adminMana Enadu : నవ దళపతి సుధీర్ బాబు (Sudheer Babu) హీరోగా నటించిన ఫ్యామిలీ ఎంటర్టైనర్ ‘మా నాన్న సూపర్ హీరో (Maa Nanna Super Hero)’. అభిలాష్ రెడ్డి కంకర తెరకెక్కించిన ఈ సినిమాను సునీల్ బలుసు నిర్మించారు. ఆర్ణ కథానాయికగా నటించారు. సాయిచంద్, సాయాజీ షిండే, రాజు సుందరం ముఖ్య పాత్రలు పోషించిన ఈ చిత్రం ఈనెల 11వ తేదీన విడుదల కానుంది. ఈ నేపథ్యంలోనే హీరో మహేశ్బాబు శనివారం ఈ చిత్ర ట్రైలర్ను రిలీజ్ చేశారు.
‘‘ఒకప్పుడు ఈ డబ్బు అవసరమే నా కొడుకును నాకు దూరం చేసింది. దాని విలువ పాతిక సంవత్సరాలు’’ అంటూ సాయిచంద్ చెప్పే డైలాగ్తో మొదలైన ట్రైలర్ చూస్తుంటే ఇది తండ్రీకొడుకుల అనుబంధం నేపథ్యంలో సాగే కథ అని అర్థమవుతోంది. ‘‘కళ్లజోడు పెట్టుకుంటే ప్రపంచం మారిపోదు. ప్రేమతో చేసినంత మాత్రాన తప్పు తప్పు కాకుండా పోదు’’, ‘‘కంటే తండ్రైపోవు. తనతో ఉండాలి. సరిగా పెంచాలి’’, ‘‘నా కోసం చేస్తే తప్పు. కానీ, ఇది నాన్న కోసం. తప్పదు’’ అంటూ ట్రైలర్లో సుధీర్బాబు చెప్పిన డైలాగ్స్ (Maa Nanna Super Hero Trailer) హార్ట్ టచింగ్ గా ఉన్నాయి.
ఇక ఈ సినిమా డిజిటల్ రైట్స్ (Maa Nanna Super Hero OTT rights) కూడా భారీగానే దక్కించుకున్నట్లు తెలిసింది. ట్రైలర్ చూస్తుంటే ఈ చిత్ర డిజిటల్ రైట్స్ జీ5 (Zee5) ఓటీటీ సంస్థ దక్కించుకున్నట్లు కనిపిస్తోంది. దాదాపు రు.20 కోట్లకు పైగానే చెల్లించి ఈ మూవీ ఓటీటీ హక్కులు చేజిక్కించుకున్నట్లు సినిమా వర్గాల సమాచారం. అయితే ఈ సినిమా అక్టోబర్ 11వ తేదీన థియేటర్లలో విడుదల కాబోతోంది. అంటే సినిమా రిలీజ్ తర్వాత దాదాపు 50 రోజులు అంటే డిసెంబరు మొదటి వారంలో ఓటీటీలో స్ట్రీమింగ్ అయ్యే అవకాశాలున్నాయి.
swarna boddula
Desk
