Desk
చైల్డ్ ఆర్టిస్టుగా సినిమాల్లోకి ఎంట్రీ ఇచ్చి హనుమాన్ (Hanu-Man movie) సినిమాతో భారీ విజయం సాధించిన తేజ సజ్జ (Hero teja sajja) వరుస సినిమాలతో బిజీగా మారాడు. తన తదుపరి సినిమా ‘మిరాయ్'(Mirai) కోసం ప్రస్తుతం చాలా కష్టపడుతున్నట్లు తెలుస్తోంది. ఇది కూడా ఒక సూపర్ హీరో ఫాంటసీ అడ్వెంచర్ చిత్రం కావడం గమనార్హం. ఈ సినిమాకు దర్శకుడిగా కార్తిక్ ఘట్టమనేని (karthik gattamaneni) వ్యవహరిస్తున్నాడు. సినిమాటోగ్రఫీ కూడా ఆయనే చూస్తుండటం విశేషం.
MIRAI UPDATE: #TejaSajja’s much-anticipated action-adventure film #MIRAI begins its new shoot schedule in the historic caves of Mumbai.
Directed by #KarthikGattamneni, Producer #TGVishwaPrasad is bankrolling this flick under his prestigious @peoplemediafcy banner.
This… pic.twitter.com/Vn7wLgs7Yl
— BA Raju’s Team (@baraju_SuperHit) May 20, 2025
మిరాయ్ విడుదల ఎప్పుడంటే..
‘మిరాయ్’ సినిమా 2025 ఆగస్టు 1న ప్రపంచ వ్యాప్తంగా విడుదల కానుంది. మొదట ఏప్రిల్ 18, 2025న విడుదల కావాల్సిన ఈ సినిమా, ప్రభాస్ ‘ది రాజా సాబ్’ (Raja saab) సినిమాతో పోటీని నివారించడానికి వాయిదా పడింది. ఈ సినిమాలో తేజా సజ్జా ప్రధాన పాత్రలో నటిస్తుండగా, మంచు మనోజ్ (Manchu manoj) విలన్‌గా కనిపించనున్నారు. ఇక రితికా నాయక్ హీరోయిన్ పాత్ర పోషిస్తున్నది.
హనుమాన్‌ను మించిన బడ్జెట్..
హనుమాన్ సినిమా కంటే మిరాయ్ బడ్జెట్ పెరిగినట్లు ఇండస్ట్రీ వర్గాలు పేర్కొన్నాయి. సుమారు ₹60 కోట్ల వరకు ఖర్చు చేస్తున్నారని అంచనా. ఇకపోతే ‘హనుమాన్’ సినిమా రూ. 40 కోట్ల బడ్జెట్‌తోనే రూపొందినా వంద కోట్లకు పైగానే కలెక్షన్లు రాబట్టింది. అయితే, ‘మిరాయ్’ని పాన్-ఇండియా అడ్వెంచర్‌గా ప్లాన్ చేయడంతో బడ్జెట్ పెరిగినట్లు సమాచారం.
మిరాయ్ కథ ఇదే
‘మిరాయ్’సినిమా షూటింగ్ ఇప్పటికే చాలావరకు పూర్తిచేసుకోగా.. నేపాల్, హైదరాబాద్ పరిసర ప్రాంతాల్లో కొన్ని కీలక సన్నివేశాలను చిత్రీకరించారు. ప్రస్తుతం, ముంబైలోని చారిత్రక గుహల్లో(mumbai historical caves) పెద్ద షెడ్యూల్ జరుగుతోంది. ఇందులో తేజా సజ్జ, ప్రధాన తారాగణం పాల్గొంటున్నారు. ఈ షెడ్యూల్‌లో ముఖ్యమైన భాగాలను చిత్రీకరిస్తున్నారు. ‘మిరాయ్’ కథ విషయానికొస్తే ఒక యోధుడి పోరాటం.. దేవతలుగా మారేందుకు శక్తినిచ్చే తొమ్మిది పవిత్ర గ్రంధాలను రక్షించాల్సిన బాధ్యతను హీరోపై ఉంటుందని తెలుస్తోంది.
admin
swarna boddula
