admin
తెలంగాణలో గ్రూప్స్ పరీక్షలు(TG Groups Exams) రాసి ఎదురుచూస్తున్న అభ్యర్థులకు టెన్షన్ తీరే సమయం వచ్చేసంది. గత ఏడాది నవంబర్ 17, 18 తేదీల్లో రెండు రోజుల పాటు గ్రూప్-3 పరీక్షలు నిర్వహించిన కమిషన్ తాజాగా ఫలితాలను ప్రకటిస్తోంది. ఈక్రమంలోనే మార్చి 10న గ్రూప్-1 ఫలితాలను విడుదల చేసింది. అలాగే మార్చి 11న గ్రూప్-2 రిజల్ట్స్‌ను విడుదల చేసింది. ఇక ఇవాళ గ్రూప్-3 ఫలితాలను వెల్లడించనున్నట్లు TGPSC పేర్కొంది. కాగా మొత్తం 1363 గ్రూప్-3 పోస్టులకు తెలంగాణ పబ్లిక్ సర్వీస్ కమిషన్ నోటిఫికేషన్ ఇచ్చిన విష‌యం తెల్సిందే.
1,401 కేంద్రాల్లో రాత పరీక్షలు
గ్రూప్ 3 నోటిఫికేషన్(TGPSC Group-3 Notification) ద్వారా 1,363 పోస్టుల భర్తీకి రాష్ట్రవ్యాప్తంగా 1401 కేంద్రాల్లో నిర్వహించిన రాత పరీక్షలకు 2,69,483 మంది అభ్యర్థులు హాజరయ్యారు. ఈ పరీక్షల ప్రిలిమినరీ జనవరిలో విడుదల చేసింది. తాజాగా పూర్తి ఫలితాలను వెల్లడిస్తోంది. కాగా వివిధ పోటీప‌రీక్ష‌లు రాసిన అభ్యర్థులు ఫలితాల కోసం నిరీక్షించకుండా TGPSC చర్యలు చేపట్టింది. మార్చి 20వ తేదీ లోపు అన్ని పోటీ పరీక్షల ఫలితాలు వెల్లడిస్తామని ప్రకటించింది. అలాగే మార్చి 17వ తేదీన హాస్టల్ వెల్ఫేర్ ఆఫీసర్, మార్చి 19వ తేదీన ఎక్స్‌టెన్షన్ ఆఫీసర్ ఫలితాలను విడుదల చేస్తామ‌ని TGPSC తెలిపింది. కాగా అభ్యర్థులు అధికారిక వెబ్‌సైట్‌ https://www.tspsc.gov.in/ ద్వారా తమ ఫలితాలను చెక్‌ చేసుకోవచ్చు.
రోస్టర్ ప్రకారమే పోస్టుల భర్తీ
గ్రూప్-1 ఫలితాల్లో టాప్-500లో 45.6% మంది బీసీలే ఉన్నట్లు టీజీపీఎస్సీ ప్రకటించింది. ఓసీలు 36.4%, ఎస్సీలు 10%, ఎస్టీలు 7.6% ఉన్నట్లు వెల్లడించింది. ఫలితాలపై తప్పుడు ప్రచారం నమ్మొద్దని సూచించింది. మెరిట్ ప్రకారం, పారదర్శకంగా జాబితాను రిలీజ్ చేశామని తెలిపింది. రోస్టర్ ప్రకారమే పోస్టుల భర్తీ ప్రక్రియ ఉంటుందని వెల్లడించింది.
Desk
swarna boddula
