Desk
వరల్డ్ ఫుట్‌బాల్ స్టార్(Football Star) క్రిస్టియానో రొనాల్డో(Cristiano Ronaldo) తన స్నేహితురాలు జార్జినా రోడ్రిగ్స్‌(Georgina Rodriguez)తో ఎంగేజ్మెంట్ చేసుకున్నాడు. ఈ విషయాన్ని జార్జినా తన ఇన్‌స్టాగ్రామ్‌(Instagram)లో అధికారికంగా ప్రకటించింది. ఈమేరకు రొనాల్డో చేతిపై తన చేతిని ఉంచిన ఫొటోను షేర్ చేస్తూ, ఒక కాస్ట్లీ డైమండ్ రింగ్(Diamond ring)ను ప్రదర్శించింది. “సీ, క్విరో. ఈ జన్మతోపాటు అన్ని జన్మల్లో” (Yes, I do. In this and all my lives) అని స్పానిష్‌లో క్యాప్షన్ రాసింది. ఈ జంట 2016లో మాడ్రిడ్‌లోని గూచీ స్టోర్‌లో కలిసి, 2017లో తమ రిలేషన్షిప్‌ని బహిరంగంగా ప్రకటించింది. ఈ ఎంగేజ్మెంట్ వారి ఎనిమిదేళ్ల ప్రేమకథకు ఒక కొత్త అధ్యాయంగా నిలిచింది.
పెళ్లికాక‌ముందే ఈ జంటకు న‌లుగురు పిల్ల‌లు
కాగా పెళ్లికాక‌ముందే ఈ జంటకు న‌లుగురు పిల్ల‌లు ఉన్నారు. 2022లో ఈ జంటకు క‌వ‌ల‌లు జ‌న్మించారు. వారిలో మ‌గ‌పిల్లాడు చ‌నిపోయాడు. కాగా.. క్రిస్టియానో పెద్ద‌కుమారుడు జూనియ‌ర్ క్రిస్టియానో(Junior Cristiano) 2010లో జ‌న్మించాడు. అత‌డి త‌ల్లి ఎవ‌రు అనేది ఇప్ప‌టి వరకు రొనాల్డో చెప్ప‌లేదు. అత‌డు కూడా వీరితో పాటే ఉంటున్నాడు. కాగా జార్జినా, “ఐ యామ్ జార్జినా” అనే నెట్‌ఫ్లిక్స్ డాక్యుమెంటరీలో వారి ప్రారంభ రోజులను వివరించింది. రొనాల్డో తన బుగాటీ కారులో ఆమెను తీసుకెళ్లిన సందర్భాలను గుర్తుచేసుకుంది. రొనాల్డో, ఐదుసార్లు బాలన్ డి’ఓర్ విజేత, ప్రస్తుతం సౌదీ ప్రో లీగ్‌లో అల్-నస్సర్‌కు ఆడుతున్నాడు.
Cristiano Ronaldo proposes to Georgina Rodríguez! 💍 After nearly 9 years and raising kids together, CR7 popped the question with a stunning $560K+ engagement ring worth $3 million and Georgina shared the sparkling moment on social media, sending fans worldwide into a frenzy!… pic.twitter.com/Co5108OBgD
— Halimah official (@HalimahF79117) August 12, 2025
ఇక 2027 వరకు £492 మిలియన్ల విలువైన కాంట్రాక్ట్ ఒప్పందం కుదుర్చుకున్నాడు. ఈ ఎంగేజ్మెంట్ ప్రకటన సోషల్ మీడియాలో వైరల్ అవుతోంది. అభిమానులు ఈ జంటను అభినందిస్తున్నారు. జార్జినా రింగ్, ఒక భారీ ఓవల్-ఆకారపు డైమండ్, అందరి దృష్టిని ఆకర్షించింది.
swarna boddula
