Desk
యంగ్ హీరో కిరణ్ అబ్బవరం(Kiran Abbavaram), ఆయన భార్య రహస్య గోరఖ్(Rahasya Gorakh) తమ కుమారుడికి నామకరణం చేశారు. కలియుగ దైవం శ్రీ వేంకటేశ్వర స్వామి(Sri Venkateswara Swamy) కొలువైన తిరుమల(Tirumala) పుణ్యక్షేత్రంలో ఈరోజు ఈ వేడుకను భక్తిశ్రద్ధలతో, సంప్రదాయబద్ధంగా నిర్వహించారు. తమ ముద్దుల కొడుకుకు ‘హను అబ్బవరం(Hanu Abbavaram)’ అని పేరు పెట్టినట్లు ఈ దంపతులు ప్రకటించారు. శ్రీవారి ఆశీస్సులతో పాటు, ఆంజనేయ స్వామి అనుగ్రహం తమ బిడ్డకు ఎల్లప్పుడూ ఉండాలని కోరుకుంటూ ఈ పవిత్రమైన ప్రదేశాన్ని ఎంచుకున్నట్లు తెలిపారు.
ఆంజనేయ స్వామి అంటే మాకు ఎంతో భక్తి
ఈ సందర్భంగా కిరణ్ అబ్బవరం మీడియాతో మాట్లాడుతూ తన సంతోషాన్ని పంచుకున్నారు. “ఆంజనేయ స్వామి అంటే మాకు ఎంతో భక్తి. ఆయనకు గుర్తుగా మా అబ్బాయికి ‘హను’ అని పేరు పెట్టాం. శ్రీవారి సన్నిధిలో ఈ కార్యక్రమం చేయడం చాలా సంతోషంగా ఉంది. ఈ క్షణాలు మా ఇద్దరికీ ఎంతో భావోద్వేగభరితంగా, మధురంగా మిగిలిపోతాయి” అని ఆయన అన్నారు. కిరణ్, రహస్య దంపతులకు ఈ ఏడాది మేలో హనుమాన్ జయంతి(Hanuman Jayanti) పర్వదినాన కుమారుడు జన్మించిన విషయం తెలిసిందే. బాబు పుట్టిన శుభ సందర్భాన్ని, ఇప్పుడు నామకరణ వేడుకను దైవభక్తితో జరుపుకోవడంపై అభిమానులు సోషల్ మీడియా(Social Media) వేదికగా ప్రశంసలు కురిపిస్తున్నారు.
View this post on Instagram
ఇక సినిమాల విషయానికొస్తే, కిరణ్ అబ్బవరం ప్రస్తుతం ‘కే రాంప్(K Ramp)’ అనే చిత్రంలో నటిస్తున్నారు. మరోవైపు, తన సొంత నిర్మాణ సంస్థ ‘కేఏ ప్రొడక్షన్స్(KA Productions)’ ద్వారా కొత్త ప్రతిభను ప్రోత్సహించేందుకు కూడా ఆయన సిద్ధమవుతున్నారు.
swarna boddula
admin
