Russia-Ukraine War: కీవ్​ డ్రోన్లకు హడలిపోయిన కిమ్​ సైనికులు.. వైరల్​ వీడియో చూశారా?

రష్యా–ఉక్రెయిన్‌ యుద్ధం (Russia-Ukraine War) ఎప్పుడు ముగుస్తుందో తెలియడంలేదు. ఉక్రెయిన్​పై (Ukraine) మరింత ఆధిపత్యం చెలాయించేందుకు రష్యా అధ్యక్షుడు వ్లాదిమిర్​ పుతిన్​ ఉత్తర కొరియా మద్ధతు కోరారు. దీంతో ఆ దేశ సైన్యం సైతం ఉక్రెయిన్​పై దాడులకు పాల్పడుతోంది. అయితే ఈ దాడులను కీవ్​ సైన్యం సమర్థంగా ఎదుర్కొంటోంది. ఈ పోరులో కిమ్‌ జోంగ్​ ఉన్​ (Kim Jong Un) సైనికులు భారీ సంఖ్యలో మరణిస్తున్నారని, తీవ్రంగా గాయపడుతున్నారని ఉక్రెయిన్‌ అధ్యక్షుడు జెలెన్‌ స్కీ ప్రకటించారు. తాజాగా దాన్ని రుజువు చేసేలా ఓ వీడియో సామాజిక మాధ్యమాల్లో చక్కర్లు కొడుతోంది. అందులో ఉక్రెయిన్‌ ప్రయోగించిన డ్రోన్లను ఎదుర్కోలేక కిమ్‌ జవాన్లు పరుగులు పెట్టినట్లుగా ఉంది.

దాదాపు వెయ్యి మంది కిమ్​ సైనికులు హతం
కీవ్‌కు చెందిన స్పెషల్‌ ఆపరేషన్స్‌ ఫోర్సెస్‌ ఈ వీడియోను విడుదల చేసింది. రష్యాలోని కుర్స్క్‌ సరిహద్దు ప్రాంతాల్లో మోహరించిన ఉత్తర కొరియా (North Korea) జవాన్లను ఉక్రెయిన్‌ బలగాలు కమికేజ్ డ్రోన్లను వేటాడాయి. గత మూడు రోజుల్లో ఈ డ్రోన్లు 77 మంది కొరియన్‌ సైనికులను చంపేసినట్లు పేర్కొన్నాయి. మొత్తంగా ఇప్పటివరకు వేయి మంది ఉత్తర కొరియా సైనికులు చనిపోయినట్లు సమాచారం. డ్రోన్ల దాడులకు సంబంధించి సోషల్​ మీడియాలో చక్కర్లు కొడుతున్న ఆ వీడియోను మీరూ చూసేయండి.

One Ukrainian SOF FPV crew from 8th Regiment has destroyed 77 North Koreans over a period of three days in Kursk region. pic.twitter.com/sfWEZBWXr3

— SPECIAL OPERATIONS FORCES OF UKRAINE (@SOF_UKR) December 23, 2024