మరోసారి కెమెరాకు చిక్కిన విజయ్-రష్మిక.. వీడియో వైరల్

Mana Enadu : సినిమా ఇండస్ట్రీలో కలిసి నటించిన హీరో-హీరోయిన్ల మధ్య స్నేహం చిగురించడం కొత్తేం కాదు. కొందరు మంచి స్నేహితుల్లా చిరకాలం నిలిచిపోతే కొందరు ప్రేమలో పడతారు. అందులో చాలా తక్కువ మంది వారి ప్రేమను పెళ్లి పీటల దాకా తీసుకెళ్తారు. ఇంకొందరు అలా కొన్నిరోజులు డేటింగ్ చేసి ఆ తర్వాత ఎవరి దారిలో వారు వెళ్తుంటారు. అయితే వీరిలో కొందరు నటీనటులు తమ డేటింగ్ లైఫ్ ను లైమ్ లైట్ లోకి తీసుకొస్తే ఇంకొందరు మాత్రం రహస్యంగా ఉంచుతారు. మరికొందరు అందరికీ తెలిసిన బహిరంగ రహస్యమే అయినా వారి రిలేషన్ పై క్లారిటీ ఇవ్వడానికి ఇష్టపడరు.

మేమిద్దరం బెస్ట్ ఫ్రెండ్స్

అలాంటి కోవలోకే వస్తుంది విజయ్ దేవరకొండ-రష్మిక మందన్న (Vijay Rashmika Dating) జంట కథ. ఈ ఇద్దరూ గీతగోవిందం సినిమా సమయంలో మంచి స్నేహితులయ్యారు. అప్పటి నుంచి ఈ జంట తరచూ కలిసి వెకేషన్లకు వెళ్తుంటారు. ఒకరి సినిమా రిలీజ్ అయినప్పుడు మరొకరు సపోర్ట్ చేసుకుంటూ ఉంటారు. రష్మిక తరచూ విజయ్ ఇంటికి వెళ్తూ వాళ్ల కుటుంబ సభ్యులతోనూ సరదాగా గడుపుతూ ఉంటుంది. ఇదంతా తమ మధ్య ఉన్న స్నేహమే.. తాము బెస్ట్ ఫ్రెండ్స్ అంటూ ఈ జంట చెబుతున్నా.. నెటిజన్లు మాత్రం వీళ్లు డేటింగ్ లో ఉన్నారంటున్నారు.

లంచ్ చేస్తూ దొరికిపోయారు

అయితే ఇటీవలే విజయ్, రష్మిక ఓ రెస్టారెంట్ (Rashmika Vijay Lunch) లో లంచ్ చేస్తూ కెమెరాకు చిక్కారు. అయితే డైరెక్టు కాదులెండి. ఎప్పటిలాగే తమ వెకేషన్ ఫొటోలను పోస్టు చేసే ఈ జంట తాము కలిసే వెకేషన్ కు వెళ్లామని తమ ఫొటోల్లోని సరౌండింగ్స్ తో హింట్ ఇస్తూ ఉంటారు. అలాగే ఈ లంచ్ ఫొటోలు ఒకే రెస్టారెంట్ లో ఎదురెదురుగా కూర్చొని భోజనం చేసిన ఈ జంట ఫొటోలు పోస్టు చేసి దొరికిపోయింది.

ముంబయిలో విజయ్ రష్మిక

ఇక తాజాగా మరోసారి విజయ్-రష్మిక కెమెరాకు చిక్కారు. సోమవారం రాత్రి వీరిద్దరూ ముంబయి ఎయిర్‌పోర్ట్‌ (Vijay Rashmika Mumbai Airport)లో కనిపించారు. కానీ కలిసి కాదండోయ్ విడివిడిగా. ముందుగా రష్మిక ఎయిర్ పోర్టుకు రాగా.. ఆ తర్వత కాసేపటికి విజయ్ అక్కడికి చేరుకున్నాడు. దీంతో వీరిద్దరూ క్రిస్మస్‌, న్యూ ఇయర్‌ సెలబ్రేషన్స్‌ కోసం విదేశాలకు వెకేషన్ కు వెళ్తున్నారని అభిమానులు అనుకుంటున్నారు. ప్రస్తుతం ఈ వీడియో నెట్టింట బాగా ట్రెండ్ అవుతోంది.