VRA’s Protest: వీఆర్ఏల ఆందోళన.. మినిస్టర్స్ క్వార్టర్స్ వద్ద ఉద్రిక్తత

తెలంగాణ(Telangana)లో VRAల సమస్యలు పరిష్కరించి తమను విధుల్లోకి తీసుకోవాలని డిమాండ్ చేస్తూ పెద్దయెత్తున వీఆర్‌ఏలు ఆందోళనకు(Protests) దిగారు. దీంతో హైదరాబాద్‌ బంజారాహిల్స్‌ మినిస్టర్స్ క్వార్టర్స్(Banjara Hills Ministers Quarters) వద్ద ఉద్రిక్తత నెలకొంది. తమను తక్షణమే విధుల్లోకి తీసుకోవాలని డిమాండ్‌ చేస్తూ VRAలు మినిస్టర్స్‌ క్వార్టర్లను ముట్టడించారు. ఒక్కసారిగా పెద్దసంఖ్యలో తరలివచ్చిన వీఆర్‌ఏలు మినిస్టర్‌ క్వార్టర్స్‌ను చేరుకోవడంతో తీవ్ర ఉద్రిక్తతత చోటు చేసుకుంది. పోలీసులు వారిని అడ్డుకోవడంతో తోపులాట జరిగింది. మినిస్టర్ క్వార్టర్స్ దగ్గరకు వెళ్లనివ్వకపోవడంతో వారంతా రోడ్డుపై బైఠాయించి ఆందోళనకు దిగారు. దీంతో మినిస్టర్ క్వార్టర్స్ మెయిన్ రోడ్డులో భారీగా ట్రాఫిక్ జామ్(Traffic Jam) ఏర్పడింది.

మంత్రులను కలవకుండా అడ్డుకోవడం దారుణం

కాగా 61 సంవత్సరాలు పైబడిన VRAల వారసులకు ఉద్యోగాలు ఇవ్వాలని, 81, 85GOల ప్రకారం వారసులకు ఉద్యోగాల ప్రకటన చేయాలని పలు డిమాండ్ల(Demands)తో కూడిన ఫ్లకార్డులను ప్రదర్శించారు. అంతేగాక 3,797 మంది వీఆర్‌ఏలను విధుల్లోకి తీసుకోకపోగా.. తమ గోడు వెల్లబోసుకునేందుకు మంత్రులను కలవకుండా అడ్డుకోవడం దారుణమని అన్నారు. జీవో ఇచ్చి 15 నెలలు గడుస్తున్న తమను విధుల్లోకి తీసుకోవడం లేదని ఆవేదన వ్యక్తం చేశారు.

మా వీఆర్ఏలకు రేవంత్ రెడ్డి, సీతక్క, తీన్మార్ మల్లన ఉద్యోగాలు ఇప్పిస్తామని హామీ ఇచ్చారు

కానీ ఇవాళ మమ్మల్ని నిర్లక్ష్యం చేస్తున్నారు

కొట్లాడి తెచ్చుకున్న తెలంగాణలో ఇదేనా ప్రజా పాలన

80 రోజులు సమ్మె చేసి తెచ్చుకున్న G.O ఇంప్లిమెంట్ అవ్వడానికి మేము మళ్లీ కొట్లాడవలసి వస్తుంది

మా… https://t.co/JWUaMmsXk6 pic.twitter.com/mmetcChUuE

— Telugu Scribe (@TeluguScribe) February 4, 2025

పోలీసులు, వీఆర్‌ఏల మధ్య తోపులాట

గత ప్రభుత్వంలో వీఆర్ఏల దీర్ఘకాలిక పోరాటం తర్వాత VRA JACతో చర్చలు జరిపి ప్రభుత్వం 81, 85 GOలను విడుదల చేసిందని తెలిపారు. అలాగే ఉద్యోగం రాక వీఆర్ఏల వారసులు తీవ్ర ఇబ్బందులు పడుతున్నారని, మానసిక ఒత్తిడితో 265 మంది మరణించారని, అయినా ప్రభుత్వంలో ఎలాంటి చలనం రాలేదని వాపోయారు.ఈ సందర్భంగా పలువురు వీఆర్‌ఏలు బారికేడ్లను తోచుకొని ముందుకు పరుగులు తీశారు. దీంతో పోలీసులు లాఠీచార్జీ(baton charge) చేశారు. అయిన వీఆర్‌ఏలు వెనక్కి తగ్గలేదు. సుమారు గంటసేపు పోలీసులు వీఆర్‌ఏల మధ్య యుద్ధ వాతావరణం కొనసాగింది. చివరికి కొంతమంది వీఆర్‌ఏలను అరెస్ట్‌(Arrest) చేసి పోలీస్‌ స్టేషన్‌లకు తరలించారు.

#Hyderabad—

Tension prevailed for a while on the road leading to Ministers Quarters here on Tuesday, when Village Revenue Assistants (#VRAs) turned up in large numbers and staged a protest demanding implementation of their long-pending issues.

The major demands of the VRA… pic.twitter.com/FXBR7OTS9K

— NewsMeter (@NewsMeter_In) February 4, 2025