బాస్ ఈజ్ బ్యాక్.. ‘ట్రంప్’​కు ప్రపంచ దేశాధినేతల విషెస్

Mana Enadu : అమెరికా అధ్యక్ష ఎన్నికల ఫలితాల్లో (US Elections 2024) రిపబ్లికన్ పార్టీ అభ్యర్థి డొనాల్డ్ ట్రంప్ (Donald Trump) ఘన విజయం సాధించారు. ఈ సందర్భంగా ఆయనకు ప్రపంచ దేశాధినేతలు శుభాకాంక్షలు తెలుపుతున్నారు. తాజాగా ప్రధాన మంత్రి నరేంద్ర మోదీ ట్రంప్‌ను కంగ్రాట్యులేట్ చేశారు. కంగ్రాట్స్ మై ఫ్రెండ్ అంటూ ఎక్స్ వేదికగా పోస్టు పెట్టారు.

కంగ్రాట్స్ మై డియర్ ఫ్రెండ్

Heartiest congratulations my friend @realDonaldTrump on your historic election victory. As you build on the successes of your previous term, I look forward to renewing our collaboration to further strengthen the India-US Comprehensive Global and Strategic Partnership. Together,… pic.twitter.com/u5hKPeJ3SY

— Narendra Modi (@narendramodi) November 6, 2024

‘‘చరిత్రాత్మక ఎన్నికల విజయం సాధించిన డొనాల్డ్‌ ట్రంప్‌నకు హృదయపూర్వక శుభాకాంక్షలు. మీ గత పదవీకాల విజయాలకు తగ్గట్టుగా.. భారత్‌-యూఎస్ వ్యూహాత్మక భాగస్వామ్యాన్ని మరింత బలోపేతం చేసేందుకు కలిసి పనిచేద్దాం. ప్రపంచ శాంతి, సుస్థిరత్వం, శ్రేయస్సు కోసం కృషి చేద్దాం’’ అని మోదీ (PM Modi) ఆ పోస్టులో రాసుకొచ్చారు. ఈ  సందర్భంగా పలు కార్యక్రమాల్లో కలిసి పాల్గొన్న ఫొటోలను షేర్ చేశారు.

మనం మంచి స్నేహితులం

Dear Donald and Melania Trump,

Congratulations on history’s greatest comeback!

Your historic return to the White House offers a new beginning for America and a powerful recommitment to the great alliance between Israel and America.

This is a huge victory!

In true friendship,… pic.twitter.com/B54NSo2BMA

— Benjamin Netanyahu – בנימין נתניהו (@netanyahu) November 6, 2024

ఆస్ట్రేలియా ప్రధానమంత్రి ఆంథోనీ అల్బనీస్‌ ట్రంప్‌నకు అభినందనలు తెలుపుతూ.. ఆస్ట్రేలియన్లు, అమెరికన్లు మంచి స్నేహితులని, నిజమైన మిత్రదేశాలని అన్నారు. అతిపెద్ద విజయాన్ని సాధించి చరిత్ర సృష్టించిన డొనాల్డ్‌ ట్రంప్‌, మెలానియాకు శుభాకాంక్షలు అంటూ ఇజ్రాయెల్‌ ప్రధాన మంత్రి బెంజమిన్‌ నెతన్యాహు (Benjamin Nethanyahu) విషెస్ చెప్పారు. ఇజ్రాయెల్‌- అమెరికా మధ్య సంబంధాల బలోపేతానికి ఈ విజయం దోహదం చేస్తుందని ఆయన తెలిపారు. 

ట్రంప్ కు మెలోనీ విషెస్

అమెరికా అధ్యక్షుడిగా మరోసారి ఎన్నికైన డొనాల్డ్‌ ట్రంప్‌నకు ఇటలీ ప్రధాని జార్జియా మెలోని (Italy PM Melony) అభినందనలు తెలిపారు. ఇటలీ, అమెరికా సిస్టర్ నేషన్స్‌గా అభివర్ణించారు. ఇక అద్భుత విజయం సాధించిన ట్రంప్‌నకు ఉక్రెయిన్‌ అధ్యక్షుడు వొలోదిమిర్‌ జెలెన్‌స్కీ శుభాకాంక్షలు తెలిపారు. ఫ్రాన్స్‌ అధ్యక్షుడు (French President) ఇమ్మాన్యుయెల్‌ మెక్రాన్‌ ట్రంప్‌నకు శుభాకాంక్షలు చెబుతూ.. శాంతి, శ్రేయస్సు కోసం అమెరికాతో కలిసి పనిచేసేందుకు సిద్ధంగా ఉన్నట్లు వెల్లడించారు. 

ఇరాన్ రియాల్ ఢమాల్

Congratulations to President-elect Donald Trump on his historic victory for a second term! I look forward to working closely with the incoming Administration to further strengthen and broaden the Pakistan-U.S. partnership. @realDonaldTrump

— Shehbaz Sharif (@CMShehbaz) November 6, 2024

“మరోవైపు రెండోసారి అమెరికా అధ్యక్షుడిగా ఎన్నికైన ట్రంప్‌నకు అభినందనలు. అమెరికా-పాక్‌ మధ్య సంబంధాలను కొత్త ప్రభుత్వం బలోపేతం చేస్తుందని ఆశిస్తున్నాం.” అని పాకిస్థాన్ ప్రధాని (Pakistan PM) షెహబాజ్‌ షరీఫ్‌ వ్యాఖ్యానించారు. ఇక ట్రంప్ అమెరికా అధ్యక్ష పీఠాన్ని మరోసారి కైవసం చేసుకున్న వేళ ఇరాన్ కరెన్సీ రియాల్ (Iranian Rial) అత్యంత కనిష్ఠ స్థాయికి పడిపోయింది. డాలర్‌తో పోలిస్తే 703,000 రియాల్స్ వద్ద ట్రేడవుతోంది.