admin
‘బాబు (AP CM Chandrababu Naidu) ష్యూరిటీ- భవిష్యత్ కు గ్యారంటీ’ అని ప్రచారం చేసిన కూటమి సర్కార్.. ఇప్పుడు ఆ బాబు ష్యూరిటీ మోసానికి గ్యారంటీ అని రుజువు చేసిందని మాజీ సీఎం వైఎస్ జగన్ మోహన్ రెడ్డి (YS Jagan Mohan Reddy) అన్నారు. తాడేపల్లిలోని వైసీపీ ప్రధాన కార్యాలయంలో ఆయన మీడియా సమావేశం నిర్వహించి కూటమి ప్రభుత్వంపై ధ్వజమెత్తారు. బటన్ నొక్కడం గొప్పా అని నిలదీసిన జగన్.. ఎన్నికల ప్రచారంలో ఇచ్చిన హామీలు, బాండ్లు, మేనిఫెస్టోలు ఏమయ్యాయని ప్రశ్నించారు.
ఏపీలో పెద్ద నగరాలు లేవు
హామీలు అమలు చేయకపోతే చొక్కాలు పట్టుకుని నిలదీయండన్న టీడీపీ (TDP).. ఇప్పుడు ఎవరి చొక్కాలు పట్టుకుని అడగాలో చెప్పాలని జగన్ డిమాండ్ చేశారు. నాగార్జున సాగర్, శ్రీశైలం లాంటి ప్రాజెక్టులు ఇప్పుడు కట్టాలంటే వేల కోట్లు అవుతుందని.. ప్రస్తుత పరిస్థితుల్లో అది సాధ్యం కాదని అన్నారు. ఏపీలో పెద్ద నగరాలు లేనందున మల్టీ స్పెషాలిటీ హాస్పిటల్స్ రావని.. టీచింగ్ హాస్పిటల్ తో అనుసంధానం అయితే, చాలా ఇన్ఫ్రాస్ట్రక్చర్ అందుబాటులోకి వస్తుందని పేర్కొన్నారు.
మెడికల్ సీట్లు వద్దట
“ప్రతి పార్లమెంట్ పరిధిలో ఒక మెడికల్ కాలేజీకి శ్రీకారం చుట్టాం. ఐదు మెడికల్ కళాశాలలు ప్రారంభించాం. మిగతా వాటి పనులు శరవేగంగా ముందుకు వెళ్తున్నాయి. ఇప్పుడు స్కాంలు చేస్తూ తమ వారికి అమ్ముకోవాలని చూస్తుంది ఈ కూటమి సర్కార్ (TDP BJP Janasena Alliance). మాకు మెడికల్ సీట్లు వద్దని కేంద్రానికి లేఖ రాసింది.” అని వైఎస్ జగన్ ఆరోపించారు.
Desk
swarna boddula
