భార్యతో విడాకుల రూమర్స్.. మరో అమ్మాయితో చాహల్ వీడియో వైరల్

టీమ్ ఇండియా క్రికెటర్ యజ్వేంద్ర చాహల్ (Yuzvendra Chahal).. తన భార్య ధనశ్రీ (Dhanashree )తో విడాకులు తీసుకుంటున్నారంటూ కొంతకాలంగా న్యూస్ వైరల్ అవుతున్న విషయం తెలిసిందే. ఈ ఇద్దరు ఇన్ స్టాగ్రామ్ లో ఒకరినొకరు అన్ ఫాలో చేయడమే కాకుండా.. కలిసి ఉన్న ఫొటోలను డిలీట్ చేయడం ఈ పుకార్లకు మరింత ఊతమిచ్చినట్లయింది. ఇక తాజాగా చాహల్ చేసిన ఓ పనితో వీళ్ల విడాకులు కన్ఫామ్ అనే వార్తలు చక్కర్లు కొడుతున్నాయి. భార్యతో విడాకుల రూమర్స్ వ్యాప్తి చెందుతున్న వేళ చాహల్.. తన మాజీ గర్ల్ ఫ్రెండ్ తో చెట్టాపట్టాలేసుకుని తిరగడం ఇప్పుడు బాగా వైరల్ అవుతోంది.

మరో అమ్మాయితో చాహల్

తాజాగా ముంబయిలోని ఓ హోటల్ నుంచి బయటకు వస్తూ.. చాహల్ తన ముఖానికి చేతులు అడ్డుపెట్టుకుని కనిపించాడు. అతడి పక్కనే ఓ అమ్మాయి ఉంది. ఆమె పేరు తనిష్క కపూర్ (Tanishka Kapoor). చాహల్ ధనశ్రీని పెళ్లి చేసుకోకముందు.. తనిష్కతో ప్రేమలో ఉన్నట్లు సమాచారం. అయితే పలు కారణాల వల్ల వీరికి బ్రేకప్ అయినట్లు తెలిసింది. ఇక ఇప్పుడు భార్యతో విడాకులు తీసుకుంటున్నట్లు పుకార్లు వస్తున్న వేళ చాహల్ తనిష్కతో కనిపించడం చూసి నెటిజన్లు షాక్ అవుతున్నారు.

Yuzvendra Chahal spotted with a mystery girl amid divorce rumors with Dhanashree Verma. Is this girl main reason behind separation? #YuzvendraChahal #dhanashreeverma pic.twitter.com/RiTzSWby3X

— बलिया वाले 2.0 (@balliawalebaba) January 7, 2025

నెట్టింట విడాకుల రచ్చ

తనిష్క కపూర్ కన్నడలో ఓ రెండు సినిమాల్లో నటించింది. అయితే ఆమే చాహల్-ధనశ్రీ విడాకులు తీసుకోవడానికి కారణమంటూ కొందరు నెటిజన్లు కామెంట్లు చేస్తున్నారు. మరోవైపు ధనశ్రీ ప్రవర్తన నచ్చకపోవడంతోనే చాహల్ ఈ నిర్ణయం తీసుకుంటున్నాడంటూ ఇంకొందరు సపోర్టుకు దిగుతున్నారు. మొత్తానికి ఈ జంట విడాకుల పుకార్లు ఇప్పుడు సోషల్ మీడియాలో విపరీతంగా షికారు చేస్తున్నాయి.