Shubhanshu Shukla: నింగిలోకి దూసుకెళ్లిన శుభాంశు శుక్లా.. రోదసీ నుంచి మెసేజ్​

ఎప్పుడెప్పుడా అని ఎదురుచూస్తున్న ఘట్టం ఆవిష్కృతమైంది. భారత వ్యోమగామి శుభాంశు శుక్లా (Shubhanshu Shukla) రోదసిలోకి పయనమయ్యారు. ఆయనతో కలిసి మరో ముగ్గురితో యాక్సియం-4 (Axiom-4) నింగిలోకి దూసుకెళ్లింది. ఫ్లోరిడాలోని నాసా కెన్నెడీ స్పేస్‌సెంటర్‌లో బుధవారం మధ్యాహ్నం 12:01 గంటలకు (భారత కాలమానం ప్రకారం) చేపట్టిన ఫాల్కన్‌ 9 రాకెట్‌ ప్రయోగం సక్సెస్​ఫుల్​గా అంతరిక్షంలోకి దూసుకెళ్లింది. వాస్తవానికి ఈ ప్రయోగం మే 29న జరగాల్సి ఉన్నప్పటికీ వాయిదాపడుతూ వస్తోంది. ఈరోజు కూడా ఈ ప్రయోగానికి కొన్ని నిమిషాల ముందు సమస్య తలెత్తగా.. నిపుణులు సరిచేయడంతో అంతా సక్రమంగా సాగింది. ఈ సందర్భంగా రోదసీ నుంచి ఓ మెసేజ్​ సైతం చేశారు. భారతీయులంతా తనతోనే ఉన్నారని అన్నారు.

A proud moment for India!

Heartiest congratulations to Group Captain Shubhanshu Shukla, the Mission Pilot of Axiom Mission 4, on this historic achievement.

Under the visionary leadership of Hon. PM Shri @narendramodi Ji, India’s participation in this international space mission… pic.twitter.com/9AIxvLn4jR

— Yogi Adityanath (@myogiadityanath) June 25, 2025

భూ కక్ష్యలో సెకనుకు 7.5 కిలోమీటర్ల వేగంతో

‘‘నా ప్రియమైన దేశవాసులకు నమస్కారం. 41 ఏళ్ల తర్వాత మనం అంతరిక్షాన్ని చేరుకున్నాం. ఇదో గొప్ప ప్రయాణం. ఇప్పుడు మేం భూ కక్ష్యలో సెకనుకు 7.5 కిలోమీటర్ల వేగంతో తిరుగుతున్నాం. నా భుజాలపై మన త్రివర్ణ పతాకం ఉంది. అది చూస్తుంటే నాతో మీరంతా ఉన్నారనే భావన కలుగుతోంది. ఇది కేవలం నా అంతరిక్ష ప్రయాణం మాత్రమే కాదు.. భారత మానవ సహిత రోదసి యాత్రకు నాంది. ఈ ప్రయాణంలో మీరంతా భాగమవ్వాలని కోరుకుంటున్నా. మన దేశ మానవ సహిత అంతరిక్ష కార్యక్రమాన్ని మనమంతా కలిసి ప్రారంభిద్దాం. జై హింద్‌. జై భారత్‌’’ అని శుభాంశు శుక్లా తన సందేశంలో పేర్కొన్నారు.

ప్రధాని మోదీ, స్కూల్ విద్యార్థులతో ముచ్చటించనున్న వ్యోమగాములు

శుభాంశుతోపాటు మరో ముగ్గురు వ్యోమగాములతో బయల్దేరిన యాక్సియం-4 28 గంటల ప్రయాణం తర్వాత భూమికి 400 కిలోమీటర్ల ఎత్తులోని అంతర్జాతీయ అంతరిక్ష కేంద్రానికి (ఐఎస్‌ఎస్‌) చేరుకుంటుంది. గురువారం సాయంత్రం 4.30 గంటలకు (భారత కాలమానం ప్రకారం) వీరి వ్యోమనౌక ఐఎస్‌ఎస్‌తో అనుసంధానం అవుతుంది. ఈ బృందం అక్కడ 14 రోజుల పాటు ఉంటుంది. పలు ప్రయోగాలు నిర్వహించడంతో పాటు ప్రధాని మోదీ (PM Modi), పాఠశాల విద్యార్థులు, ఇతరులతో అక్కడినుంచి ముచ్చటిస్తారు.

41 ఏళ్ల తర్వాత రోదసిలోకి భారత వ్యోమగామి

ఇస్రో తరఫున శుభాంశు ఐఎస్‌ఎస్‌లో ఏడు ప్రయోగాలు నిర్వహిస్తారు. దీర్ఘకాల రోదసి యాత్రల సమయంలో పోషకాహారం, జీవనాధార వ్యవస్థల విషయంలో ముందడుగు వేయడానికి ఉద్దేశించిన ప్రయోగం కూడా ఇందులో ఉంది. భారరహిత స్థితి వల్ల ఎముకలు, కండరాలు, గుండె, రక్తనాళాలు, రోగనిరోధక వ్యవస్థపై ప్రభావాన్ని శోధిస్తారు. నాసా నిర్వహించే ఐదు ఉమ్మడి అధ్యయనాల్లో శుభాంశు పాల్గొంటారు. ఈ ప్రయోగంతో 41 ఏళ్ల తర్వాత ఓ భారత వ్యోమగామి రోదసిలో భారరహిత స్థితిలో తేలియాడబోతున్నారు. అంతకుముందు 1984లో సోవియట్‌ యూనియన్‌కు చెందిన ఇంటర్‌కాస్మోస్‌ కార్యక్రమం కింద సోయుజ్‌ టి-11 వ్యోమనౌకలో రాకేశ్‌శర్మ అంతరిక్షంలోకి వెళ్లి వచ్చారు. ఆ తర్వాత మరే భారత పౌరుడు రోదసీయానం చేయలేదు.

First words spoken by our very own Shubhanshu Shukla from space!! ✨️

🗣 ” 𝘕𝘢𝘮𝘢𝘴𝘬𝘢𝘳, 𝘮𝘦𝘳𝘦 𝘱𝘺𝘢𝘳𝘦 𝘥𝘦𝘴𝘩𝘷𝘢𝘢𝘴𝘩𝘪𝘺𝘰.
𝘞𝘩𝘢𝘵 𝘢 𝘳𝘪𝘥𝘦!
41 𝘴𝘢𝘢𝘭 𝘣𝘢𝘢𝘥 𝘩𝘶𝘮 𝘸𝘢𝘱𝘢𝘴 𝘢𝘯𝘵𝘢𝘳𝘪𝘬𝘴𝘩 𝘮𝘦𝘪𝘯 𝘱𝘢𝘩𝘶𝘤𝘩 𝘨𝘢𝘺𝘦 𝘩𝘢𝘪 𝘢𝘶𝘳 𝘬𝘢𝘮𝘢𝘢𝘭… pic.twitter.com/MKNkOJ5h76

— ISRO Spaceflight (@ISROSpaceflight) June 25, 2025