admin
డిమాండ్ల సాధన లక్ష్యంగా బ్యాంకు ఉద్యోగులు(Bank employees) సమ్మె బాట పట్టనున్నారు. ఈమేరకు ఈనెల 23 అర్ధరాత్రి నుంచి 25 అర్ధరాత్రి వరకు రెండు రోజులపాటు సమ్మె(Strike)కు పిలుపునిచ్చారు. బ్యాంక్ యూనియన్ డిమాండ్లను IBA అంగీకరించకపోవడంతో ఉద్యోగులు సమ్మె నిర్ణయం తీసుకున్నట్లు తెలుస్తోంది. కాగా ఇటీవల పలు కీలక విషయాలపై యూనియన్ ఆఫ్ బ్యాంక్స్-ఇండియన్ బ్యాంక్స్ అసోసియేషన్ చర్చలు జరిగాయి. వీటి మధ్య ఏకాభిప్రాయం కుదరకపోవడంతో బ్యాంకు యూనియన్లు సమ్మె నిర్ణయం తీసుకున్నాయి. ప్రభుత్వ, ప్రైవేటు బ్యాంకులతోపాటు విదేశీ, కో-ఆపరేటివ్‌, రీజినల్‌ రూరల్‌ బ్యాంకు ఉద్యోగులు సమ్మెకు రెడీ అవుతున్నారు.
దేశ వ్యాప్తంగా 8లక్షల మందికి పైగా..
ఈ మేరకు దేశ వ్యాప్తంగా 8లక్షల మందికి పైగా ఉద్యోగులు, అధికారులు సమ్మెకు సిద్ధమవుతున్నట్లు సమాచారం. సమ్మె సందర్భంగా రెండు రోజుల పాటు ఆందోళన కార్యక్రమాలు జరగనున్నాయి. ఉద్యోగులు సమ్మెలోకి వెళ్లడంతో బ్యాంకు సేవలకు తీవ్ర విఘాతం(Severe disruption to bank services) కలగనుంది. దీంతో ఈనెల 24,25 తేదీలతోపాటు 22న నాలుగో శనివారం, 23న ఆదివారం వరుసగా రావడంతో మొత్తం మీద నాలుగు రోజుల పాటు బ్యాంక్ సర్వీసులపై ప్రభావం చూపనుంది.
ప్రధాన డిమాండ్లు ఇవే..
ప్రభుత్వ రంగ బ్యాంకుల్లో ఖాళీగా ఉన్న ఉద్యోగులు, అధికారుల పోస్టుల(Posts)ను భర్తీ చేయాలని బ్యాంకు యూనియన్ల ప్రధాన డిమాండ్. అలాగే బ్యాంకు ఉద్యోగుల మరో డిమాండ్ వారానికి 5 రోజుల పని దినాలు అమలు చేయాలని కోరుతున్నారు. గ్రాట్యుటీ(Gratuity) పరిమితిని కేంద్ర ప్రభుత్వ ఉద్యోగులకు అనుగుణంగా రూ.25 లక్షలకు పెంచడంతో పాటు ఆదాయ పన్ను(Income Tax) మినహాయింపు ఇచ్చేలా ఆ చట్టాన్ని సవరించాలని డిమాండ్ చేస్తున్నారు. అలాగే అన్ని కేటగీరిల్లో సిబ్బంది నియామకాలు చేపట్టాలని కోరుతున్నారు.
Desk
swarna boddula
