Deskపసిడి ప్రియులకు గుడ్ న్యూస్. గత కొన్ని రోజులుగా లక్ష రూపాయలకు పైన పలికిన పుత్తడి ధరలు (Gold Price Hike) ప్రస్తుతం కాస్త తగ్గుముఖం పట్టాయి. వరుసగా రెండో రోజూ పసిడి ధరలు దిగొచ్చాయి. ఒకానొక సమయంలో బంగారం ధరలు ఆల్ టైమ్ రికార్డు ధరకు చేరుకోవడంతో ఇప్పట్లో గోల్డ్ కొనుగోలు చేసే పరిస్థితులు లేవని పసిడి ప్రియులు ఆందోళన చెందారు. అయితే ప్రస్తుతం తగ్గుదల కనిపిస్తుండటంతో త్వరలోనే సాధారణ స్థితి బంగారం ధరలు చేరుకుంటాయని కొనుగోలుదారులు ఆశిస్తున్నారు.
తెలుగు రాష్ట్రాల్లో ఇలా…
ఇక గురువారం (మే 15) హైదరాబాద్ బులియన్ మార్కెట్‌(Hyderabad Bullion Market)లో 24 క్యారెట్ల స్వచ్ఛమైన పసిడి ధర (Gold Rate Today) 10 గ్రాముల పసడి రేటు రూ.2,130 తగ్గి రూ.93,930 వద్ద ట్రేడవుతోంది. అటు 22 క్యారెట్ల 10 గ్రాముల బంగారంపై రూ.1,950 తగ్గి ప్రస్తుతం రూ.86,100 వద్ద కొనసాగుతోంది. అటు ఏపీలోని విజయవాడ(Vijayawada), విశాఖపట్నం(Vizag)లోనూ దాదాపు ఇవే ధరలు అమలులో ఉన్నాయి. మరోవైపు వెండి ధరల్లో (Silver Rate Today)నూ స్వల్పంగా తగ్గుదల కనిపించింది. నిన్న కిలో వెండి ధర రూ.1,09,000 ఉండగా, గురువారం నాటికి రూ.1000 తగ్గి రూ.1,08,000కు చేరుకుంది. ఇక అమెరికన్ డాలర్‌తో పోలిస్తే రూపాయి విలువ(Rupee Value) రూ.88.19గా నమోదైంది.
swarna boddula
