swarna boddula
ప్రపంచంలో జనాభా వేల కోట్లకు చేరుతున్న తరుణంలో, కొన్ని దేశాలు మాత్రం జనాభా తగ్గిపోతుండటంతో తల్లిదండ్రులను ప్రోత్సహించేందుకు ప్రత్యేక చర్యలు తీసుకుంటున్నాయి. ముఖ్యంగా చైనా(China) దేశం ఒకప్పుడు అధిక జనాభాతో వెలవెలబోయిన ఈ దేశం ఇప్పుడు పిల్లల(Child) జననం తక్కువగా ఉండటంతో తీవ్ర సంక్షోభాన్ని ఎదుర్కొంటోంది.
వృద్ధుల సంఖ్య పెరగడం, పిల్లల జననం తగ్గిపోవడం వల్ల భవిష్యత్‌లో శ్రమికుల కొరత ఏర్పడుతుందన్న ఆందోళనతో చైనా ప్రభుత్వం కొత్త చర్యలు ప్రారంభించింది. పెళ్లి చేసుకునే దంపతులకు బహుమతులు, పిల్లల కోసం వార్షిక సబ్సిడీలు ప్రకటించింది. ప్రత్యేకంగా, 2025 జనవరి 1 నుంచి “నేషనల్ చైల్డ్ కేర్ సబ్సిడీ” అమలులోకి తెచ్చింది.
ఈ కొత్త పథకం ప్రకారం, మూడేళ్లలోపు ఉన్న ప్రతి బిడ్డకు ఏడాదికి 3600 యువాన్లు (భారత కరెన్సీ లో సుమారు రూ.45,000) తల్లిదండ్రులకు అందించాలని నిర్ణయించింది. ఈ సబ్సిడీ మూడు ఏళ్లు వరకే అందుతుంది. ఈ విధంగా తల్లిదండ్రులపై ఆర్థిక భారం తగ్గించడంతోపాటు జనన రేటు పెంచాలన్నది చైనా లక్ష్యం.
గతంలో 1980 నుంచి 2015 వరకు అమలులో ఉన్న ‘ఒక కుటుంబం – ఒక బిడ్డ’ విధానం కారణంగా జనాభా వృద్ధి గణనీయంగా తగ్గిపోయింది. ఆ ప్రభావమే ఇప్పుడు చైనాను చిన్న పిల్లల కొరతతో కలవరపెడుతోంది. ఉపాధి, ఆరోగ్యం, విద్యా ఖర్చులు అధికంగా ఉండటంతో తల్లిదండ్రులు పిల్లల్ని కనడాన్ని వాయిదా వేస్తున్నారు.
Desk
admin
