Desk
దేశంలో జీఎస్టీ వసూళ్లు(GST Collections) సరికొత్త రికార్డును సృష్టించాయి. ఏప్రిల్-2025కి గాను రికార్డు స్థాయిలో రూ. 2.37లక్షల కోట్లు వసూళ్లు నమోదైనట్లు కేంద్ర ప్రభుత్వం(Central Govt) గురువారం ప్రకటించింది. GST అమల్లోకి వచ్చిన తర్వాత ఒక నెలలో ఇంత భారీ మొత్తం వసూలు కావడం ఇదే తొలిసారి. 2024 ఏప్రిల్ నెలలో నమోదైన రూ. 2.10 లక్షల కోట్ల వసూళ్లే ఇప్పటివరకు అత్యధికం కాగా, తాజా గణాంకాలు ఆ రికార్డును అధిగమించాయి. గత ఏడాది ఏప్రిల్‌తో పోలిస్తే ప్రస్తుత వసూళ్లలో 12.6 శాతం వృద్ధి నమోదైనట్లు గణాంకాలు స్పష్టం చేస్తున్నాయి.
ఏడాదితో పోలిస్తే ఇది 10.7 శాతం అధికం
అంతకుముందు నెల, అంటే 2025 మార్చిలో GST వసూళ్లు రూ. 1.96 లక్షల కోట్లుగా ఉన్నాయి. ఏప్రిల్ నెల మొత్తం వసూళ్లలో దేశీయ లావాదేవీల(Domestic transactions) ద్వారా సమకూరిన పన్ను మొత్తం రూ. 1.9లక్షల కోట్లుగా ఉంది. గత ఏడాదితో పోలిస్తే ఇది 10.7 శాతం అధికం. అలాగే దిగుమతి చేసుకున్న వస్తువులపై విధించిన GST ద్వారా వచ్చిన ఆదాయం రూ. 46,913 కోట్లుగా నమోదైంది. ఈ విభాగంలో వృద్ధి 20.8 శాతంగా ఉంది.
swarna boddula
admin
