జూనియర్ ఎన్టీఆర్(Jr NTR) నటిస్తున్న “డ్రాగన్”(Dragon) సినిమాపై అభిమానుల్లో ఎంతటి క్రేజ్ ఉందో చెప్పాల్సిన అవసరం లేదు. ఈ చిత్రానికి సంబంధించిన ఏ చిన్న అప్డేట్ బయటకొచ్చినా సోషల్ మీడియాలో హంగామా మామూలుగా ఉండదు. అభిమానులు ఈ సినిమాపై బోలెడంత ఆసక్తిగా ఎదురుచూస్తున్నారు.
ప్రశాంత్ నీల్ దర్శకత్వం(Director Prashnth Neel)లో తెరకెక్కుతున్న ఈ సినిమా షూటింగ్ వేగంగా పూర్తయ్యేలా యూనిట్ తీవ్రంగా కృషి చేస్తోంది. ఈ నేపథ్యంలో, సినిమాకు సంబంధించి ఓ ఇంట్రెస్టింగ్ అప్డేట్ ఫిల్మ్ నగర్లో చక్కర్లు కొడుతోంది. ఈ ప్రాజెక్ట్ ప్రస్తుతం “డ్రాగన్” అనే వర్కింగ్ టైటిల్తో షూట్ జరుగుతున్నట్లు తెలుస్తుంది.
ఇంతకీ అసలైన హైలైట్ ఏంటంటే.. ఈ సినిమాలో ఎన్టీఆర్ పాత్ర పేరు లీకైంది. ఇంతవరకు గోప్యంగా ఉంచిన ఆయన క్యారెక్టర్ పేరు ఇప్పుడు ఫ్యాన్స్ లో ఇంట్రెస్ట్ క్రియేట్ చేస్తోంది. ఇంతకీ ఆయన క్యారెక్టర్ పేరు ఏంటంటే.. “రామన్న”(Ramanna). ఎన్టీఆర్ పాత్రకు ఈ పేరునే ఫిక్స్ చేసినట్టు తెలుస్తోంది. ఈ విషయం బయటకు రావడంతో అభిమానుల్లో ఉత్సాహం మరింత పెరిగిపోయింది.
“రామ్” అనే పేరుతో ఎన్టీఆర్కు ఉన్న సెంటిమెంట్ గురించి ప్రత్యేకంగా చెప్పాల్సిన అవసరం లేదు. ఆయన కుమారులకు అభయ్ రామ్, భార్గవ్ రామ్ అనే పేర్లు పెట్టడమే దీనికి ఉదాహరణ. అందుకే, తన పాత్రకు “రామన్న” అనే పేరును ఎంపిక చేయడాన్ని అభిమానులు సెంటిమెంటల్గా తీసుకుంటున్నారు. ఈ సినిమాలో హీరోయిన్ గా రుక్మిణి వసంత్(Rukmini Vasanth) నటిస్తున్దనే వార్తలు వినిపిస్తున్నాయి. అయితే దీనిపై ఇంకా అధికారిక ప్రకటన అయితే రాలేదు.






