adminMana Enadu : ఇండియన్ స్పేస్ రీసెర్చ్ ఆర్గనైజేషన్ (ISRO) ప్రతిష్టాత్మకంగా చేపట్టిన ప్రోబా-3 మిషన్ లాంఛింగ్ సాంకేతిక లోపంతో వాయిదా పడిన విషయం తెలిసిందే. అయితే గురువారం రోజున శ్రీహరికోటలోని సతీశ్‌ ధవన్‌ స్పేస్ సెంటర్ (SHAR) నుంచి ఈ ప్రయోగం చేపట్టారు. షార్ నుంచి ఇవాళ.. పీఎస్ఎల్వీ-సీ59 వాహక నౌక నింగిలోకి విజయవంతంగా దూసుకెళ్లింది.
నింగిలోకి దూసుకెళ్లిన ప్రోబా-3
సాంకేతిక లోపం కారణంగా బుధవారం చేపట్టాల్సిన ప్రయోగం ఇవాళ్టికి వాయిదా పడగా.. గురువారం సాయంత్రం 4.04 గంటలకు పీఎస్ఎల్వీ-సీ 59 వాహక నౌక నిప్పులు చిమ్ముతూ నింగిలోకి దూసుకెళ్లింది. ఐరోపా స్పేస్ సెంటర్ (ESA)కు చెందిన ప్రోబా-3తో పాటు మరికొన్ని చిన్న ఉపగ్రహాలను పీఎస్ఎల్వీ-సీ59 రాకెట్‌ ద్వారా భారత అంతరిక్ష పరిశోధన సంస్థ (Indian Space Research Organization) ప్రయోగించింది.
ప్రపంచంలోనే మొదటిసారి
ఈఎస్ఏకి చెందిన ప్రోబా-3 (Proba 3 Mission Launch) శాటిలైట్లతో పాటు మరికొన్ని చిన్న శాటిలైట్లను పీఎస్ఎల్వీ-సీ 59 విజయవంతంగా నిర్దేశిత కక్ష్యలోకి ప్రవేశపెట్టింది. 550 కిలోల బరువున్న ప్రోబా-3లో రెండు ఉపగ్రహాలు ఉంటాయి. సూర్యుడి బాహ్య వాతావరణమైన కరోనాపై పరిశోధనలు చేయడమే ఈ ప్రాజెక్టు లక్ష్యం. ఇందుకోసం అవి పరస్పరం సమన్వయంతో ఒక క్రమపద్ధతిలో భూకక్ష్యలో విహరిస్తాయి. ఈ తరహా ప్రయోగాన్ని చేపట్టడం ప్రపంచంలోనే ఇది మొదటిసారని ఈఎస్‌ఏ వెల్లడించింది.
Desk
swarna boddula
