Desk
భారత అంతరిక్ష పరిశోధన సంస్థ ఇస్రో(ISRO) మరో ప్రయోగానికి సిద్ధమైంది. శ్రీహరికోట రాకెట్‌ ప్రయోగ కేంద్రం(Sriharikota Rocket Launch Centre) నుంచి ఇవాళ PSLV C-60 రాకెట్‌ దూసుకెళ్లనుంది. ఎంతో కాలం నుంచి ఆసక్తిగా ఎదురు చూస్తున్న ‘స్పెడెక్స్‌’ ప్రయోగాన్ని (Spadex mission) మరికొన్ని గంటల్లో చేపట్టనున్నది. ఇవాళ రాత్రి శ్రీహరికోటలోని సతీశ్‌ ధవన్‌ స్పేస్‌ సెంటర్‌ (SHAR) నుంచి PSLV-C60 రాకెట్‌ రెండు ఉపగ్రహాలను నింగిలోకి మోసుకెళ్లనుంది. ఇప్పటికే ఈ ప్రయోగానికి సంబంధించి అన్ని ఏర్పాట్లు పూర్తికాగా నిన్న రాత్రి 8.58 నిమిషాల నుంచి కౌంట్‌డౌన్‌ కూడా ప్రారంభమైంది.
అయితే స్పెడెక్స్‌ ప్రయోగ(Spadex mission) సమయంలో స్వల్ప మార్పులు చేశారు ఇస్రో శాస్త్రవేత్తలు(ISRO Scientists). ముందుగా రాత్రి 9:58 గంటలకు పీఎస్ఎల్వీ (Polar Satellite Launch Vehicle) C-60 రాకెట్‌ ద్వారా SDX-01 (ఛేజర్‌), SDX-02 (టార్గెట్‌) ఉపగ్రహాలను నింగిలోకి పంపనున్నట్లు ప్రకటించిన విషయం తెలిసిందే. అయితే, అనూహ్యంగా ఈ సమయంలో స్వల్ప మార్పులు చోటు చేసుకున్నాయి. రాత్రి 9:58కి బదులుగా 10:15కు ఈ ప్రయోగం చేపట్టనున్నట్లు ఇస్రో ప్రకటించింది. ఈ మేరకు (X) వేదికగా ట్వీట్‌ చేసింది.
🎉 Launch Day is Here! 🚀
Tonight at precisely 10:00:15 PM, PSLV-C60 with SpaDeX and innovative payloads are set for liftoff.
SpaDeX (Space Docking Experiment) is a pioneering mission to establish India's capability in orbital docking, a key technology for future human… pic.twitter.com/147ywcLP0f
— ISRO (@isro) December 30, 2024
62 ప్రయోగాల్లో 59 సక్సెస్
ఇస్రోకి అచ్చొచ్చిన వాహక నౌకగా పేరుగాంచిన PSLV C-60 రాకెట్‌ ద్వారా ఈ ఉపగ్రహాన్ని ఇస్రో రోదసీలోకి పంపనుంది. PSLV సిరీస్‌లో ఇది 62వ ప్రయోగం కాగా ఇప్పటివరకు 59 ప్రయోగాలు విజయవంతమయ్యాయి. ఇక PSLV కోర్‌ అలోన్ దశతో చేసే 18వ ప్రయోగమిది. ఇవి స్పేస్‌ డాకింగ్(Space docking), ఫార్మేషన్‌ ఫ్లయింగ్(formation Flying), మానవ అంతరిక్షయానం, తదితర సేవలకు ఉపయోగపడాతాయని ఇస్రో వెల్లడించింది.
swarna boddula
