Desk
దేశంలో టెక్నాలజీ(Technology) పరుగులు తీస్తోంది. సాంకేతికత పెరిగి నేడు ప్రపంచమంతా ఆర్టిఫిషియల్ ఇంటెలిజెన్స్(AI) వైపు చూస్తోంది. లాభాలనే ధ్యేయంగా చూసే ప్రముఖ కంపెనీలు సాంకేతికతకు పెద్ద పీట వేస్తూ శ్రామిక శక్తిని పక్కకు నెడుతున్నాయి. దీంతో ఉద్యోగుల సంఖ్య(Number of employees) తగ్గుతోంది. నియామకాలు తగ్గుతున్నాయి. ప్రముఖ కంపెనీలలోని ఉద్యోగులంతా అభద్రతా భావంతో పనిచేస్తున్నారు. ఇక ఐటీ రంగం(IT sector)లో నియామకాల భవిష్యత్ ఆశాజనకంగా కనిపించడం లేదు. కంపెనీలు ఇప్పటికే ఆచితూచి నియామకాలు జరుపుతున్నాయి.
ఇంజనీరింగ్‌ కాలేజీల్లోనూ ప్లేస్‌మెంట్స్ తగ్గాయ్
గత రెండేళ్లలో IITలతో సహా ప్రముఖ ఇంజనీరింగ్‌ కాలేజీల్లోనూ ప్రాంగణ నియామకాలు భారీగా తగ్గాయి. అమెరికా, యూరప్‌ల నుంచి మన ఐటీ కంపెనీలకు వచ్చే ప్రాజెక్టులు తగ్గడం ఇందుకు ఒక కారణమైతే, AI, మెషిన్‌ లెర్నింగ్‌ (ML) వంటి సరికొత్త టెక్నాలజీలు ఇందుకు మరో కారణమని నిపుణులు చెబుతున్నారు. భారత ఐటీ రంగంలో కొత్త నియమకాలు గణనీయంగా తగ్గాయి. ఏప్రిల్-జూన్ త్రైమాసికంలో టాప్-6 టెక్, ఐటీ కంపెనీల్లో ఉద్యోగుల సంఖ్య కేవలం 3,847 పెరిగింది. ఇది అంతకు ముందు త్రైమాసికం జనవరి-మార్చిలో నమోదైన 13,935 ఉద్యోగులతో పోలిస్తే 72% తక్కువ కావడం గమనార్హం.
కొత్త ఉద్యోగుల సంఖ్య తగ్గడం ఆందోళనకరం
ఈ స్థాయిలో కొత్త ఉద్యోగుల సంఖ్య తగ్గడం ఆందోళన కలిగిస్తోంది. టాటా కన్సల్టెన్సీ సర్వీసెస్ (TCS), ఇన్ఫోసిస్(Infosys) కంపెనీల్లోనే ఉద్యోగుల సంఖ్య పెరగగా..HCL టెక్, విప్రో, L&T మైండ్ ట్రీ, టెక్ మహీంద్రాలో మొత్తంగా 1,423 మంది ఉద్యోగులు తగ్గిపోయారు. ఐటీ రంగంలో ఆదాయ వృద్ధి ఉద్యోగుల సంఖ్యపై ఆధారపడి ఉంటుంది. కానీ ప్రస్తుతం ఉద్యోగుల సంఖ్య తగ్గినా ఆదాయంలో వృద్ధి కనిపిస్తోంది. AI సాంకేతికతలు, ఆటోమేషన్, క్లౌడ్ వ్యవస్థలు అందుబాటులోకి వస్తున్న క్రమంలో తక్కువ మంది ఉద్యోగులతోనే ఎక్కువ పని చేసేందుకు వీలు లభించడమే ఇందుకు కారణంగా విశ్లేషకులు అంచనా వేస్తున్నారు.
admin
swarna boddula
