CAG: కాగ్​ అధిపతిగా తెలుగు వ్యక్తి.. ప్రమాణం చేసిన సంజయ్​ మూర్తి

భారత ప్రతిష్ఠాత్మక సంస్థ కంప్ట్రోలర్​ అండ్​ జనరల్​ (కాగ్​) (CAG)బాధ్యతలను తెలుగు వ్యక్తి కొండ్రె సంజయ్​ మూర్తి (Sanjay Murthy) చేపట్టారు. కాగ్​ అధిపతిగా గురువారం ఆయన ప్రమాణస్వీకారం చేసి బాధ్యతలు చేపట్టారు. ఈ అత్యున్నత పదవి చేపట్టిన తొలి తెలుగు వ్యక్తిగా సంజయ్​ మూర్తి అరుదైన ఘనత సాధించారు. దేశ రాజధాని ఢిల్లీలోని రాష్ట్రపతి భవన్​లో జరిగిన కార్యక్రమంలో సంజయ్​ మూర్తి చేత రాష్ట్రపతి ద్రౌపదీ ముర్ము (Droupadi Murmu) ప్రమాణం చేయించారు.

ఆంధ్రప్రదేశ్​లోని అమలాపురం మాజీ ఎంపీ కేఎస్​ఆర్​ కుమారుడే సంజయ్​. 1964 డిసెంబర్​ 24న జన్మించిన ఆయన ఇంజినీరింగ్​ పూర్తిచేసి ఆ తర్వాత సివిల్స్​ సాధించారు. ఐఏఎస్​ (IAS) అధికారిగా 1989లో హిమాచల్​ ప్రదేశ్​ కేడర్​కు ఎంపికై సమర్థంగా విధులు విర్వహించారు. ఆ తర్వాత కేంద్ర సర్వీసుల్లో పనిచేశారు. 2021 సెప్టెంబర్​ నుంచి విద్యా మంత్రిత్వ శాఖ పరిధిలోని ఉన్నత విద్యా శాఖలో కార్యదర్శిగా పనిచేస్తూ.. కేంద్ర ప్రభుత్వం ప్రవేశపెట్టిన నూతన విద్యావిధానం అమలులో కీలక పాత్ర పోషించారు.

సంజయ్​ మూర్తి ఈ డిసెంబర్​లో ఉద్యోగ విరమణ చేయాల్సి ఉండగా.. ఆయన సేవలను గుర్తించిన కేంద్ర ప్రభుత్వం కాగ్​ అధిపతిగా కీలక బాధ్యతలు అప్పగించింది. ఈ స్థానంలో నియమితులైనవారు గరిష్ఠంగా ఆరేళ్లు లేదా, 65 ఏళ్ల వయసు వరకు కొనసాగేందుకు వీలుంది. గతేడాది నవంబరు 20 కాగ్​ అధిపతిగా గిరీష్ చంద్ర ముర్ము పదవీ విరమణ చేయగా ఆ స్థానాన్ని సంజయ్​ మూర్తి తాజాగా భర్తీ చేశారు.

At a ceremony in the Ganatantra Mandap, Rashtrapati Bhavan, today at 10:00 AM, Shri K. Sanjay Murthy was sworn in as the Comptroller and Auditor General of India. He took the oath of office before the Hon’ble President.@rashtrapatibhvn #CAG #India #Governance pic.twitter.com/EQ1tH9tZbi

— Sudarshan Northeast (@SudarshanNewsNE) November 21, 2024