ఓవైపు లవర్.. మరోవైపు కాబోయే భార్య.. కాన్ఫరెన్స్‌ కాల్‌లో దొరికేశాడు

ఈ మధ్య వివాహల వ్యవహారాల్లో మోసాలు ఎక్కువవుతున్నాయి. పెళ్లి చేసుకుంటామని వస్తున్న యువకులు ఇప్పటికే రెండు మూడు వివాహాలు చేసుకుని ఉండటమో.. లేక అంతకుముందే గర్ల్ ఫ్రెండ్ ఉండి కూడా పెళ్లికి ఓకే చెప్పడమో చేస్తున్నారు. చివరకు వివాహం తర్వాత అసలు విషయం తెలిసి ఆడపిల్లలు మోసపోయామని గ్రహిస్తున్నారు. ఇటీవల ఇలాంటి మ్యారేజ్ మోసాలు ఎక్కువవుతున్నాయి. అయితే కొన్ని కేసుల్లో మాత్రం పెళ్లికి ముందే ఇలాంటి మగాళ్ల బాగోతం బయటపడుతుండటంతో కొందరు అమ్మాయిల జీవితాలు సేఫ్ అవుతున్నాయి. తాజాగా ఇలాంటి ఘటనే ఆదిలాబాద్ జిల్లాలో జరిగింది.

లవర్ ఉన్నా మరో యువతితో పెళ్లికి ఓకే

జిల్లాలోని ఓ మండలానికి చెందిన యువకుడికి ఇటీవల పెళ్లి కుదిరింది. మరో మండలానికి చెందిన యువతితో నెల రోజుల కిందట నిశ్చితార్థం కూడా జరిగింది. ఆ తర్వాత నుంచి ఇరువురు ఫోన్ లో మాట్లాడుకుంటున్నారు. ఇక వివాహానికి ముహూర్తం కూడా ఫిక్స్ చేయడంతో ఇటీవలే రెండు కుటుంబాలు పెళ్లి పనులు కూడా షురూ చేశాయి. అయితే ఆ యువకుడికి ఆల్రెడీ లవర్ ఉందనే విషయం యువతి కుటుంబానికి తెలియదు. ఈ విషయం తెలియకు వాళ్లు పెళ్లికి పనులన్నీ చకచకా పూర్తి చేసేస్తున్నారు.

హోల్డులో లవర్.. కాల్ లో కాబోయే భార్య

అయితే ఓరోజు తన కాబోయే భర్తతో మాట్లాడదామని సదరు యువతి ఫోన్ చేసింది. అయితే అప్పటికే అతడు తన లవర్ తో ఫోన్లో మాట్లాడుతున్నాడు. కాబోయే భార్య కాల్ చేయగానే లవర్ కాల్ హోల్డులో పెట్టి.. ఈమె కాల్ లిఫ్ట్ చేసి బైక్ పై ఉన్నానని మళ్లీ కాల్ చేస్తానని చెప్పాడు. కాబోయే భార్య కాల్ కట్ చేయబోయి అనుకోకుండా మెర్జ్ చేశాడు. అదేంటి కాన్ఫరెన్స్ కాల్ చేశాడని ఆ యువతి మొదట షాక్ అయింది. ఎవరు మాట్లాడతారో విందామని సైలెంట్ గా ఉంది.

కాన్ఫరెన్స్‌ కాల్‌లో దొరికేశాడు

కానీ ఆ తర్వాత జరిగిన విషయం చూసి షాక్ అయింది. తన కాబోయే భార్య కాన్ఫరెన్స్ కాల్ లో ఉందని తెలియక ఆ యువకుడు తన లవర్ తో మాట్లాడాడు. ఇక తనకు కాబోయే భర్త ఆల్రెడీ వేరే అమ్మాయిని ప్రేమిస్తున్నాడని తెలిసిన ఆ యువతి వారి సంభాషణను రికార్డు చేసింది. ఆ తర్వాత పెద్దల ముందు ఉంచడంతో మరికొన్ని రోజుల్లో జరగాల్సిన వివాహం రద్దయింది. కట్నం డబ్బులు కూడా వెనక్కి తీసుకున్నారు. ఇలా ఓ కాన్ఫరెన్సు కాల్ ఆ అమ్మాయి జీవితాన్ని కాపాడింది. ప్రస్తుతం ఈ విషయం ఆ మండలాల్లో చర్చనీయాంశంగా మారింది.

Related Posts

Kaleshwaram Project: కాళేశ్వరం ప్రాజెక్టుపై సీబీఐ విచారణ.. ప్రభుత్వం సంచలన నిర్ణయం

కాళేశ్వరం ప్రాజెక్టు(Kaleshwaram Project) నిర్మాణంలో అక్రమాలు జరిగాయని ఆరోపించిన కాంగ్రెస్ సర్కార్(Congress Govt).. అందుకోసం జస్టిస్ పీసీ ఘోష్(Justice PC Ghosh) కమిషన్‌ను ఏర్పాటు చేసిన విషయం తెలిసిందే. దీనిపై కమిషన్ దాదాపు 650 పేజీలతో కూడిన నివేదికను ప్రభుత్వానికి అందజేసింది.…

ఆదోని నుంచి సైకిల్‌పై వచ్చిన అభిమానికి మెగాస్టార్ ఇచ్చిన అద్భుతమైన గిఫ్ట్! వీడియో వైరల్..

మెగాస్టార్ చిరంజీవి(Chiranjeevi) పట్ల అభిమానులు చూపించే ప్రేమ మరోసారి బయటపడింది. ఆదోని(Adoni) నుంచి హైదరాబాద్(Hyderadad) వరకు సైకిల్‌పై ఒంటరిగా ప్రయాణించి వచ్చిన మహిళా అభిమాని రాజేశ్వరి(Rajeshwari) అందరినీ కదిలించింది. ఎన్ని కష్టాలు, అడ్డంకులు ఎదురైనా తన ఆరాధ్య నటుడిని చూడాలన్న తపన…

Leave a Reply

Your email address will not be published. Required fields are marked *