admin
విష్ణు డ్రీమ్‌ ప్రాజెక్ట్‌గా తెరకెక్కుతున్న సినిమా ‘కన్నప్ప (Kannappa)’ . మోహన్‌బాబు, (Mohan Babu), ప్రీతి ముకుందన్‌, శరత్‌కుమార్‌, మోహన్ లాల్, ప్రభాస్, కాజల్ అగర్వాల్, అక్షయ్ కుమార్, ముకేశ్ రుషి, రఘుబాబు, బ్రహ్మానందం ఈ చిత్రంలో కీలక పాత్రలు పోషిస్తున్నారు. ఏవీఏ ఎంటర్‌టైన్‌మెంట్‌, 24 ఫ్రేమ్‌ ఫ్యాక్టరీ పతాకంపై మోహన్‌బాబు ఈ మూవీని నిర్మిస్తున్నారు. అయితే మొదట ఏప్రిల్‌ 25వ తేదీన ఈ చిత్రాన్ని విడుదల చేయాలని మేకర్స్ ప్లాన్ చేశారు. కానీ ఇటీవల సినిమా రిలీజ్ వాయిదా వేస్తున్నట్లు ప్రకటించారు. ఈ నేపథ్యంలో మేకర్స్ తాజాగా కన్నప్ప కొత్త రిలీజ్ డేట్ ను అనౌన్స్ చేశారు.
Met one of my favorite Hero Sri. @myogiadityanath ji. He was gracious to launch the date announcement poster of #Kannappa. Gifted him a painting of Ramesh Gorijala. Such a Humble and powerful aura he has.
Kannappa on June 27th. #HarHarMahadev pic.twitter.com/8zBF2nZ828
— Vishnu Manchu (@iVishnuManchu) April 9, 2025
యూపీ సీఎంతో కన్నప్ప టీమ్ భేటీ
అయితే ఇప్పటికే ఈ సినిమా ప్రమోషన్స్ ను షురూ చేసిన మంచు విష్ణు (Manchu VIshnu) చిత్రబృందంతో కలిసి పలు రాష్ట్రాల ముఖ్యమంత్రులను కలుస్తున్నారు. ఈ నేపథ్యంలో ఇవాళ ఉత్తర్‌ప్రదేశ్‌ ముఖ్యమంత్రి యోగి ఆదిత్యనాథ్‌ (CM Yogi Adityanath)ను కన్నప్ప టీమ్ కలిసింది. నటుడు మంచు మోహన్‌బాబు, ఆయన తనయుడు నటుడు విష్ణు, సినిమా డైరెక్టర్ ముకేశ్ సింగ్, కొరియోగ్రాఫర్ ప్రభుదేవా సీఎం యోగితో భేటీ అయ్యారు. ఈ సందర్భంగా ముఖ్యమంత్రితో ‘కన్నప్ప’ (Kannappa) సినిమా విశేషాలు పంచుకున్నారు.
జూన్ 27న కన్నప్ప రిలీజ్
ఈ సందర్భంగా ‘కన్నప్ప (Kannappa New Release Date)’ కొత్త రిలీజ్ డేట్ పోస్టర్‌ను యోగి ఆదిత్యనాథ్‌ విడుదల చేశారు. ఈ విషయాన్ని తెలియజేస్తూ విష్ణు ఎక్స్‌ వేదికగా పోస్ట్‌ పెట్టి సీఎం యోగికి కృతజ్ఞతలు తెలిపారు. ‘‘నేను ఎంతగానో అభిమానించే సీఎం యోగి ఆదిత్యనాథ్‌ను ఇవాళ మీట్ అయ్యాను. ఆయన చేతుల మీదుగా ‘కన్నప్ప’ కొత్త రిలీజ్ డేట్ అనౌన్స్‌మెంట్‌ పోస్టర్‌ను రిలీజ్ చేయడం ఆనందంగా ఉంది. ఈ సందర్భంగా రమేశ్‌ గొరిజాల గీసిన అద్భుతమైన కళాఖండాన్ని ఆయనకు కానుకగా అందించాం. జూన్ 27న ‘కన్నప్ప’ విడుదల కానుంది’’ అని మంచు విష్ణు పోస్టు పెట్టాడు.
swarna boddula
Desk
