admin
దేశ యువత కచ్చితంగా వారానికి 70 రోజులు పనిచేయాల్సిందేనని (70 hour workweek) ఇన్ఫోసిస్ (Infosys) సహ వ్యవస్థాపకుడు నారాయణమూర్తి మరోసారి బల్లగుద్ది చెప్పారు. భారత్ మరింత అభివృద్ధి చెందాలంటే దేశ యువత వారానికి 70 గంటలు చొప్పున పని చేయాలని కొద్దిరోజుల క్రితం చేసిన వ్యాఖ్యలు పెద్ద చర్చకు దారితీసిన సంగతి తెలిసిందే. దీనిపై అప్పట్లో పారిశ్రామికవేత్తలు, టెకీలు భిన్నాభిప్రాయాలు వ్యక్తంచేశారు. యువత తీవ్రంగా వ్యతిరేకించారు.
ఆశలు, ఆకాంక్షలను ఉన్నతంగా ఉంచుకోవాలి
తాజాగా ఈ పని వేళల అంశంపై నారాయణమూర్తి (Narayana Murthy) మరోసారి మాట్లాడి తన వ్యాఖ్యలను సమర్ధించుకున్నారు. వారానికి 70 గంటలు పని చేయకపోతే దేశంలో పేదరికాన్ని ఎలా అధిగమించగలమని ప్రశ్నించారు. కోల్‌కతాలో జరిగిన ఓ కార్యక్రమంలో నారాయణమూర్తి మాట్లాడుతూ.. ‘ఇన్ఫోసిస్‌ను మేం ప్రపంచవ్యాప్తంగా ఉన్న అత్యుత్తమ కంపెనీలతో పోలుస్తాం. అలా పోల్చుకున్నప్పుడే భారతీయులు చేయాల్సింది చాలా ఉందనిపిస్తుంది. మన దేశంలో ఇంకా 80కోట్ల మంది ఉచిత రేషన్‌ (free ration) అందుకుంటున్నారు. అంటే ఆ 80 కోట్ల మంది ఇంకా పేదరికంలో ఉన్నట్లే కదా. అందుకే మన ఆశలు, ఆకాంక్షలను ఉన్నతంగా ఉంచుకోవాలి. వారానికి 70 గంటలు పని చేయలేకపోతే మనం ఎలా ఈ పేదరికాన్ని అధిగమించగలం? ’ అని అన్నారు. దేశ భవిష్యత్తు కోసం కలసికట్టుగా బాధ్యత వహించాలన్నారు.
అందుకే అలా అన్నారన్న సుధామూర్తి
ఇన్ఫోసిస్ మాజీ సీఎఫ్ఓ మోహన్‌దాస్ పాయ్ హోస్ట్‌గా వ్యవహరించిన ఓ పాడ్‌కాస్ట్ మొదటి ఎపిసోడ్‌లో నారాయణ మూర్తి (Narayana Murthy) పాల్గొన్నారు. అక్కడే ఈ పని గంటలపై మాట్లాడారు. దీంతో ఈ అంశంపై తీవ్ర చర్చ సాగింది. నారాయణమూర్తి ఆ వ్యాఖ్యలు ఎందుకు చేశారో ఆయన సతీమణి సుధా మూర్తి (Sudha Murthy) వివరించే ప్రయత్నం చేశారు. నారాయణమూర్తి అప్పట్లో అలానే పనిచేసేవారని.. ఇప్పుడూ అదే నమ్ముతారని అన్నారు.
Desk
swarna boddula
