admin
దేవర బ్లాక్ బస్టర్ తర్వాత మ్యాన్ ఆఫ్ మాసెస్ ఎన్టీఆర్ (NTR) అదే ఎనర్జీతో వరుస సినిమాలు చేస్తున్నాడు. ఇదే ఊపులో బాలీవుడ్ కు కూడా ఎంట్రీ ఇస్తున్నాడు. గ్రీక్ గాడ్ హృతిక్ రోషన్ తో కలిసి తారక్ వార్-2 (War 2)లో నటిస్తున్నాడు. ఇక కేజీయఫ్ ఫేం ప్రశాంత్ నీల్ తో కలిసి ఓ సినిమాకు గ్రీన్ సిగ్నల్ ఇచ్చాడు. ఇక కొరటాల శివతో కలిసి దేవర పార్ట్-2 కూడా చేయనున్నాడు. అయితే ఓవైపు వార్-2 షూటింగు జరుగుతుండగానే తారక్ నీల్ తో మూవీకి గ్రీన్ సిగ్నల్ ఇచ్చాడు. వెనువెంటనే పూజా కార్యక్రమం కూడా జరిగింది.
ఎన్టీఆర్ లేకుండానే షూటింగు
అయితే ఎన్టీఆర్-నీల్ (NTRNeel Film) సినిమా తొలి షెడ్యూల్ హైదరాబాద్ లోని రామోజీ ఫిల్మ్ సిటీలో షూటింగ్ జరుపుకుంది. రాస్తారోకో, అల్లర్లు వంటి సీన్లను ప్రశాంత్ నీల్ ఇక్కడే షూట్ చేశాడు. అయితే అందులో ఎన్టీఆర్ పాల్గొనలేదు. తారక్ లేని సీన్స్ షూటింగును మొదట కంప్లీట్ చేశాడు. ఇక ఇప్పుడు ఈ చిత్రం గురించి మేకర్స్ ఓ లేటెస్ట్ అప్డేట్ ఇచ్చారు. ఎన్టీఆర్ త్వరలోనే ఈ సినిమా సెట్ లో అడుగు పెట్టనున్నట్లు ప్రకటించారు. ఇందుకోసం ముహూర్తం ఫిక్స్ చేశారు.
#NTRNeel is entering its most explosive phase 💥💥
Man of Masses @Tarak9999 steps into the destructive soil from April 22nd ❤️🔥❤️🔥#YoungTigerNTR #NTR #JrNTR #PrashanthNeel @MythriOfficial @NTRArtsOfficial @NTRNeelFilm pic.twitter.com/EjI5O9MSiJ
— BA Raju’s Team (@baraju_SuperHit) April 9, 2025
తారక్ ఆగమనం అప్పుడే
ఏప్రిల్ 22వ తేదీ నుంచి ఎన్టీఆర్ నీల్ (NTR Prashant Neel) తో సినిమా షూటింగులో పాల్గొననున్నట్లు మేకర్స్ తెలిపారు. హై ఓల్టేజ్ డ్రామాగా తెరకెక్కనున్న ఈ చిత్రానికి డ్రాగన్ అనే టైటిల్ పరిశీలిస్తున్నట్లు నెట్టింట న్యూస్ వైరల్ అవుతోంది. ఇక ఈ సినిమాలో కన్నడ బ్యూటీ రుక్మిణీ వసంత్ హీరోయిన్ గా నటిస్తోంది. మలయాళ హీరో టొవినో థామస్ ఓ కీలక పాత్రలో మరవనున్నాడు. యాక్షన్, ఎలివేషన్ సినిమాలు తీయడంలో దిట్ట అయిన ప్రశాంత్ నీల్.. మ్యాన్ ఆఫ్ మాసెస్ ఎన్టీఆర్ కాంబోలో వస్తున్న సినిమా కావడంతో నెటిజన్లు ఈ చిత్రంపై భారీ అంచనాలు పెట్టుకున్నారు.
swarna boddula
Desk
