Desk
మన కరెన్సీ(Indian Rupee) విలువ భారీగా తగ్గింది. యూఎస్ డాలరు(US Dollar)తో పోలిస్తే రూపీ విలువ(Rupee Value) తొలిసారి 85 స్థాయిని దాటింది. అమెరికా ఫెడరల్ రిజర్వ్(U.S. Fed Reserve) వడ్డీ రేట్ల(Interest Rates)ను తగ్గించినప్పటికీ, 2025లో వడ్డీ రేట్ల విషయంలో మరింత జాగ్రత్తగా వ్యవహరించాల్సి ఉందని పేర్కొనడంతో రూపాయి సహా వృద్ధి చెందిన దేశాల కరెన్సీలపై ఒత్తిడి పెరిగింది. ఈ పరిణామాల వల్ల బుధవారం 84.94 వద్ద ఉన్న రూపాయి విలువ గురువారం ఉదయం 85.06 వద్ద ఆల్‌టైమ్ కనిష్ఠ స్థాయి(An all-time low)కి చేరుకుంది. యూఎస్ ఫెడరల్ రిజర్వ్ వడ్డీ రేట్లలో తగ్గింపు సిగ్నల్స్ ఇచ్చినప్పటికీ, భారత రూపాయి క్షీణత(Depreciation of Indian Rupee) ఆగలేదు.
ఇతర దేశాల కరెన్సీపైనా ఎఫెక్ట్
గత కొన్ని నెలలుగా రూపాయి విలువ(Indian Rupee Value) సార్వత్రికంగా పడిపోతోంది. రూ.83 నుంచి రూ.84కి క్షీణించడానికి 14 నెలల సమయం పట్టింది. అయితే, కేవలం రెండు నెలల్లోనే రూ.84 నుంచి రూ.85కు పడిపోవడం ఆందోళన కలిగిస్తోంది. డాలర్(Dollar) బలపడటం, భారతీయ మార్కెట్‌(Indian Markets)లో పెట్టుబడుల తగ్గుదల రూపాయి మారకం విలువపై ప్రభావం చూపాయి. ఇతర ఆసియా దేశాల కరెన్సీలకూ ఇదే పరిస్థితి కనిపిస్తోంది. కొరియన్ యెన్, మలేసియా రిగ్గిట్, ఇండోనేషియా రుపయా 0.8 శాతం నుంచి 1.2 శాతం వరకు క్షీణించాయి.
నిత్యవసరాలపై ప్రభావం?
ప్రపంచవ్యాప్తంగా ఆర్థిక పరిస్థితులు మిశ్రమంగా ఉండటంతో ఇతర దేశాల కరెన్సీలపై కూడా ప్రభావం పడింది. రూపాయి విలువ మరింతగా పడిపోకుండా నిలిపేందుకు RBI చర్యలు చేపట్టాల్సిన అవసరం ఉందని ఆర్థిక నిపుణులు(Financial Experts) అభిప్రాయపడుతున్నారు. ముఖ్యంగా రూపాయి విలువ(Rupee Value) పడిపోయినప్పుడు ఎవరైతే విదేశాలకు వస్తువులు, సేవలు ఎగుమతి చేస్తారో వాళ్లు లాభపడతారు. ప్రధానంగా IT సంస్థలు, Pharma కంపెనీలు, తయారీ రంగ సంస్థలు ఇందులో ఉంటాయి. వీరు డాలర్లతో డబ్బులు తీసుకుంటారు. రూపాయి క్షీణిస్తే వారికి ఎక్కువ లాభాలు వస్తాయి. అటు సామాన్యుల నిత్యవసర ధరలు(Essential prices) సైతం విపరీతంగా పెరిగే అవకాశం ఉంటుంది.
admin
swarna boddula
