admin
టాలీవుడ్ మిల్కీ బ్యూటీ తమన్నా (Tamannaah Bhatia).. బాలీవుడ్ నటుడు విజయ్ వర్మ(Vijay Varma)తో కొంతకాలంగా ప్రేమలో ఉన్న విషయం తెలిసిందే. ఇటీవల ఈ జంట విడిపోయినట్లు బీ టౌన్ మీడియా కథనాలు వచ్చాయి. ఈ జంట సోషల్ మీడియాలో ఒకరినొకరు అన్ ఫాలో చేయడం.. ఒక చోట కనిపించకపోవడం వంటివి ఈ కథనాలకు బలం చేకూరాయి. అయితే దీనిపై తమన్నా, విజయ్ ఎవరూ అధికారిక ప్రకటన చేయలేదు. అయితే తాజాగా ఈ భామ ఓదెల 2’ (Odela 2) సినిమాలో నటిస్తున్న విషయం తెలిసిందే. ఈ సినిమా ఏప్రిల్ 17వ తేదీన ప్రేక్షకుల ముందుకు రానుంది. ఈ నేపథ్యంలో మేకర్స్ ట్రైలర్ విడుదల చేశారు. ఈ ఈవెంట్ లో తమన్నా కూడా పాల్గొంది.
మంత్రాలతో విజయం సాధిస్తారా?
అయితే ఈ ఈవెంట్(Odela 2 Trailer)కు వచ్చిన మీడియా.. తన మాజీ లవర్ (విజయ్ వర్మ) పేరును పరోక్షంగా ప్రస్తావిస్తూ తమన్నాను ప్రశ్నించగా మిల్కీ బ్యూటీ చాలా తెలివిగా, హుందాగా సమాధానం ఇచ్చింది. విజయ్ అనే పేరును ఎక్కడా ప్రస్తావించకుండా బదులిచ్చింది. ‘‘మంత్రాలు, తంత్రాలు ఉపయోగించి మీరు ఎవరి మీదనైనా విజయం (హిందీలో విజయ్ (తమన్నా మాజీ లవర్ పేరు కూడా విజయ్)) సాధించాలనుకుంటున్నారా?’’ అని ఓ విలేకరి తమన్నాను ప్రశ్నించారు. దీనికి తమన్నా తనదైన శైలిలో సమాధానమిచ్చింది.
నీ మీద మ్యాజిక్ చేస్తాను… కన్ను కొట్టిన తమన్నా#TamannaahBhatia𓃵 #Odela2 #Odela2Trailer #TamannaahBhatia #Tamannaah #Tamanna pic.twitter.com/I5BaHy0zLW
— TeluguOne (@Theteluguone) April 8, 2025
మంత్రాలు మీపై ప్రయోగిస్తా
‘‘మంత్ర, తంత్రాలతో అలాంటిది జరుగుతుందంటే తాను నమ్మనని తెలిపింది. ఒకవేళ అదే నిజమైతే మీడియాపై ప్రయోగిస్తానని.. అప్పుడు అందరూ తన చేతుల్లో ఉంటారని బదులిచ్చింది. అలా అయితే మీడియా వారు తాను చెప్పింది వింటారని.. తాను ఏం చెబితే అదే రాసుకుంటారు అని తమన్నా సరదాగా సమాధానం ఇచ్చింది. ఈ వీడియో ఇప్పుడు సోషల్ మీడియాలో వైరల్ అవుతోంది. తమన్నా ప్రవర్తించిన తీరు చాలా హుందాగా ఉందంటూ నెటిజన్లు ఆమెపై ప్రశంసలు కురిపిస్తున్నారు. విలేకరి ఇరుకులో పెట్టేలా ప్రశ్నించినా తమన్నా చాలా సౌమ్యంగా తెలివిగా సమాధానం ఇచ్చిందని అంటున్నారు.
swarna boddula
Desk
