admin
తెలంగాణ విద్యార్థులకు అలర్ట్. ఎప్పుడెప్పుడా అని ఎదురుచూస్తున్న తరుణం రానే వచ్చింది. రాష్ట్రంలో ఇంటర్మీడియట్ ప్రథమ, ద్వితీయ సంవత్సరం ఫలితాలు (Telangana Inter Results 2025) విడుదలయ్యాయి. ఇంటర్ బోర్డు కార్యాలయంలో డిప్యూటీ సీఎం మల్లు భట్టి విక్రమార్క (Bhatti Vikramarka), మంత్రులు పొన్నం ప్రభాకర్‌, కోమటిరెడ్డి వెంకట్‌ రెడ్డి, విద్యాశాఖ కార్యదర్శి యోగితా రానా ఈ ఫలితాలను విడుదల చేశారు. విద్యార్థులు రిజల్ట్స్ tgbie.cgg.gov.in, వెబ్‌సైట్‌లో చెక్ చేసుకోవచ్చు.
అమ్మాయిలదే పై చేయి
విద్యార్థులు తమ హాల్‌ టికెట్‌ నంబర్‌ను ఎంటర్‌ చేసి రిజల్ట్స్ చూసుకోవచ్చు. ప్రతిసారి లాగే ఈ సారి కూడా ఫలితాల్లో అమ్మాయిలదే (Inter Girls Percentage) పైచేయి. 2025 ఇంటర్ ఫ‌స్టియ‌ర్, సెకండియ‌ర్‌లోనూ అమ్మాయిలు స‌త్తా చాటారు. ఫ‌స్టియ‌ర్ ఫలితాల్లో 65.96 శాతం ఉత్తీర్ణ‌త న‌మోదు కాగా.. బాలిక‌లు 73.83 శాతం, బాలురు 57.83 శాతం మంది పాస్ అయ్యారు. ఇక మొదటి సంవత్సరం పరీక్షలకు 4,88,430 మంది హాజ‌రు కాగా 3,22,191 మంది ఉత్తీర్ణ‌త సాధించారు.
మే 22 నుంచి సప్లిమెంటరీ పరీక్షలు
సెకండియ‌ర్‌లో 65.65 శాతం ఉత్తీర్ణ‌త న‌మోదు కాగా.. 74.21 శాతం బాలిక‌లు, 57.31 శాతం బాలురు ఉత్తీర్ణ‌త సాధించారు. సెకండియ‌ర్ పరీక్షలకు 5,08,582 మంది హాజ‌రయ్యారు. వీరిలో 3,33,908 మంది ఉత్తీర్ణ‌త సాధించారు. ఇక రీకౌంటింగ్‌, రీ వెరిఫికేషన్‌ కోసం వారం రోజుల గడువును ఇస్తున్నట్లు రాష్ట్ర ఇంటర్ బోర్డు ప్రకటించింది. మే 22వ తేదీ నుంచి అడ్వాన్స్‌డ్‌ సప్లిమెంటరీ పరీక్షలు (Inter Supplementary Exams 2025) నిర్వహించనున్నట్లు వెల్లడించింది.ఫలితాల్లో ములుగు జిల్లా 80.12 శాతంతో టాప్‌లో ఉండగా.. కామారెడ్డి జిల్లా 54.93శాతంతో చివరి స్థానంలో నిలిచింది.
Desk
swarna boddula
