adminManaEnadu: వన్‌ ఆర్‌ నన్‌(One or None). ఒక్కరు లేక అసలే వద్దు. ఇదీ ఒకప్పటి చైనా(China) జనాభా నిరోధక మంత్రం. పెరుగుతున్న జనాభా (Growing population)కు అడ్డుకట్ట వేసేందుకు చైనా అనుసరించిన విధానం. ఇదే ఇప్పుడు డ్రాగన్‌ కంట్రీ (Dragon Country)కి శాపంగా మారింది. ప్రస్తుతం ఆ దేశంలో జనాభా పెరుగుదల, జననాల రేటు పడిపోవడం అనే రెండు పెద్ద సమస్యలు ఒకే సమయంలో సంభవిస్తున్నాయి. పుట్టిన బాలల సంఖ్యా తగ్గుతోంది. దీంతో దేశవ్యాప్తంగా చాలా స్కూళ్లు మూతపడుతున్నాయని(Schools are closing) తాజా నివేదికలు తెలిపాయి.
ఒక్కో జంట ముగ్గుర్ని కనాలని ఆదేశం
గత కొన్నేళ్లుగా చైనాలో జననాల రేటు(Birth rate) గణనీయంగా తగ్గిపోతూ వస్తోంది. ఫలితంగా.. ఆ ప్రభావం విద్యతోపాటు అనేక రంగాలపై పడుతోందని చైనా విద్యాశాఖ రిపోర్ట్‌(China Ministry of Education Report)లో వెల్లడికావడం కలవరపెడుతోంది. గత ఏడాది చైనాలో 14,808 కిండర్ గార్టెన్లు మూసివేశారట. 2022తో పోలిస్తే, విద్యార్థుల సంఖ్య 11% తగ్గిందని విద్యాశాఖ తెలిపింది. అలాగే, 2022 లో 5,645 ప్రాథమిక పాఠశాలలు(Primary schools) కూడా మూతపడ్డాయి. దీంతో కంటే ఒక్కరినే కనాలి. అనే నాటి చైనా విధానంతో తీవ్ర జనాభా సంక్షోభం(Population crisis) ఎదురవుతుండడంతో 2016లో ఆ రూల్‌కు గుడ్ బై చెప్పి.. ఇద్దరు పిల్లలను కనేందుకు గ్రీన్ సిగ్నల్ ఇచ్చింది. ఇప్పుడు.. ఒక్కరు కాస్తా.. ఇద్దరు.. ఇద్దరు కాస్తా.. ముగ్గురికి సవరించింది. ఒక్కో జంట ముగ్గురు పిల్లలను కనేలా వీలు కల్పించింది చైనా.
2025 నాటికి 50 కోట్లకు వృద్ధ జనాభా
వాస్తవానికి చైనా జనాభా వరుసగా రెండో ఏడాది కూడా పడిపోయి ఇటీవల 140కోట్లకు చేరుకుంది. గతేడాది జననాల సంఖ్య దాదాపు 20 లక్షలు తగ్గినట్లు అంచనాలు ఉన్నాయి. ఈ లెక్కన 2023లో చైనాలో 90లక్షల జననాలు రికార్డ్‌ కాగా.. 1949 తర్వాత ఈ రేంజ్‌లో తక్కువ బర్త్ రేట్‌ నమోదు కావడం ఇదే తొలిసారి అని ఆ అధికారిక వర్గాలు చెప్తున్నాయి. మరోవైపు చైనాలో 2035 నాటికి 60 సంవత్సరాలకు పైబడ్డ వారి సంఖ్య 40 కోట్లు, 2025 నాటికి 50 కోట్లకు చేరుకుంటుందని అంచనా.
Desk
swarna boddula
