America: ‘వన్‌ బిగ్‌ బ్యూటిఫుల్‌ బిల్లు’పై ట్రంప్ సంతకం

America: అమెరికా ప్రభుత్వం ప్రతిష్ఠాత్మకంగా తీసుకొచ్చిన ‘వన్‌ బిగ్‌ బ్యూటిఫుల్‌ బిల్లు’ (One Big Beautiful Bill)పై అధ్యక్షుడు డొనాల్డ్‌ ట్రంప్‌ (Donald Trump) సంతకం చేశారు. దీంతో ఈ బిల్లు చట్ట రూపం దాల్చింది. రిపబ్లికన్‌ సభ్యులు(Republicans), అధికారులు హర్షాతిరేకాలు వ్యక్తం చేస్తున్న వేళ ఈ బిల్లుపై ఆయన సంతకం చేశారు. పన్నుల్లో కోత, వ్యయ నియంత్రణల కోసం ఈ బిల్లును తీసుకొచ్చారు. ఈ బిల్లుపై ఇటీవల సెనెట్‌(Senate)లో సుదీర్ఘ చర్చ సాగింది. ముగ్గురు రిపబ్లికన్‌లు వ్యతిరేకంగా ఓటు వేసినప్పటికీ 51-50 తేడాతో అక్కడ ఆమోదం లభించింది. ఉపాధ్యక్షుడు జేడీ వాన్స్‌(Vice President J.D. Vance) టై బ్రేకర్‌గా మారి బిల్లును గట్టెక్కించారు. అనంతరం ప్రతినిధుల సభ ఆమోదం తెలిపింది. సుదీర్ఘ చర్చ అనంతరం జరిగిన ఓటింగ్‌లో బిల్లుకు అనుకూలంగా 218, వ్యతిరేకంగా 214 ఓట్లు వచ్చాయి. ప్రతినిధుల సభలో బిల్లును ఇద్దరు రిపబ్లికన్లు వ్యతిరేకించడం గమనార్హం.

ప్రజలు చాలా సంతోషంగా ఉన్నారు.. ట్రంప్‌

ఈ సందర్భంగా ట్రంప్‌(Trump) మాట్లాడుతూ.. ప్రజలెప్పుడూ ఇంత సంతోషంగా ఉన్నట్లు గతంలో తానెప్పుడూ చూడలేదన్నారు. ఈ చట్టంతో అందరికీ లబ్ధి జరుగుతుందన్నారు. సాయుధ బలగాల నుంచి మొదలు రోజూవారీ కార్మికుల(Daily Workers) వరకు కొత్త చట్టం మద్దతుగా ఉంటుందన్నారు. ఈ సందర్భంగా ప్రతినిధుల సభ స్పీకర్‌ మైక్‌ జాన్సన్‌(Speaker Mike Johnson)కు, సెనెట్‌ మెజారిటీ లీడర్‌ జాన్‌ థునెకు ట్రంప్‌ ధన్యవాదాలు తెలిపారు. అమెరికా చరిత్రలోనే తమ ప్రభుత్వం అతిపెద్ద పన్నుకోత, వ్యయకోత, సరిహద్దు భద్రతలో అతిపెద్ద పెట్టుబడి సాధించిందని పేర్కొన్నారు.

SIGNED. SEALED. DELIVERED. 🧾🇺🇸

President Trump’s One Big Beautiful Bill is now LAW — and the Golden Age has never felt better. pic.twitter.com/t0q2DbZLz5

— The White House (@WhiteHouse) July 4, 2025

బిల్లు ముఖ్య ఉద్దేశం ఏంటంటే..

కాగా ఈ బిల్లులో పన్ను కోతలు, సైనిక బడ్జెట్, రక్షణ, ఇంధన ఉత్పత్తికి ఖర్చులను పెంచడం, అలాగే ఆరోగ్యం, పోషకాహార కార్యక్రమాలలో కోతలు వంటి ప్రధాన నిబంధనలు ఉన్నాయి. ఈ బిల్లు అక్రమ వలసదారులను పెద్ద ఎత్తున బహిష్కరించడానికి ఖర్చులను పెంచడానికి కూడా సంబంధించినది. ఇతర ప్రతిపక్షాలు ఈ ఖర్చు దేశంలోని ఆరోగ్యం(health), విద్య(Education) వంటి రంగాలను ప్రభావితం చేసే అవకాశం ఉందని ఆందోళన వ్యక్తం చేస్తున్నారు. అందుకే పారిశ్రామికవేత్త ఎలోన్ మస్క్‌(Elon Musk)తో సహా పెద్ద వర్గం ఈ బిల్లును వ్యతిరేకిస్తోంది. ఈ బిల్లు 2017 పన్ను కోతలు, ఉద్యోగాల చట్టాన్ని శాశ్వతంగా అమలు చేయడంతో పాటు తన ఎన్నికల వాగ్దానాలను నెరవేర్చే దిశగా కీలక అడుగుగా అధికార వర్గం భావిస్తోంది.