Mana Enadu : అమెరికా మాజీ అధ్యక్షుడు జిమ్మీ కార్టర్ (Jimmy Carter Passed Away) (100) కన్నుమూశారు. యూఎస్ కు 39వ ప్రెసిడెంట్గా వ్యవహరించిన జిమ్మీ కార్టర్, 2 నెలల క్రితమే 100 ఏళ్లు పూర్తి చేసుకున్నారు. 1924 అక్టోబర్ 1వ తేదీన జన్మించిన ఆయన డిసెంబర్ 29వ తేదీన తుది శ్వాస విడిచారు. అమెరికాకు అధ్యక్షుడి (US President)గా పని చేసి, వందేళ్లు బతికిన తొలి వ్యక్తిగా నిలిచారు.
బైడెన్, ట్రంప్ సంతాపం
అనారోగ్య కారణాలతో జార్జియాలోని ప్లెయిన్స్లో తుదిశ్వాస విడిచినట్లు ఆయన తనయుడు జేమ్స్ ఈ.కార్టర్ 3 తెలిపారు. జిమ్మీ కార్టర్ మృతి పట్ల అమెరికా అధ్యక్షుడు జో బైడెన్ (Joe Biden), ప్రథమ మహిళ జిల్ సంతాపం వెల్లడించారు. ఆయన మృతి పట్ల కాబోయే అధ్యక్షుడు ట్రంప్ (Donald Trump) సంతాపం వ్యక్తం చేశారు. క్వార్టర్ అంత్యక్రియలకు అధికారిక ఏర్పాట్లు చేస్తున్నట్లు వైట్ హౌస్ వెల్లడించింది.
జనవరి 9న అంత్యక్రియలు
ఇక కార్టర్ అంత్యక్రియలు (Jimmy Carter Funeral) జార్జియాలో జనవరి 4న ప్రారంభమై జనవరి 9తో ముగియనున్నాయి. ఆయన పార్థివ దేహాన్ని జార్జియా, వాషింగ్టన్ డీసీ ప్రాంతాల్లో ప్రజల సందర్శనార్థం తీసుకెళ్లనున్నారు. జార్జియాలోని ఫోబ్ సమ్టర్ మెడికల్ సెంటర్కు జనవరి 4వ తేదీ ఉదయం 10.15 గంటలకు కార్టర్ కుటుంబం రాకతో అంత్యక్రియ కార్యక్రమాలు ప్రారంభమవుతాయని యూఎస్ అధికారులు తెలిపారు. జనవరి 9వ తేదీన మోటార్ కేడ్ కార్టర్ నివాసానికి కార్టర్ భౌతికకాయం చేరుకుంటుంది. అక్కడ ఆయన అంత్యక్రియలు జరుగుతాయి.








