త్రివిక్రమ్ శ్రీనివాస్- వెంకటేష్ క్రేజీ కాంబో ఫిక్స్.. కొత్త సినిమా వస్తోందిరోయ్

టాలీవుడ్‌ దర్శకుడు త్రివిక్రమ్ శ్రీనివాస్(Trivikram Srinivas), అగ్రహీరో వెంకటేశ్‌(Venkatesh) కాంబినేషన్‌లో కొత్త సినిమా మొదలుకాబోతోంది. ఈ విషయాన్ని నిర్మాత సూర్యదేవర నాగవంశీ అధికారికంగా ప్రకటించారు. గురువారం ఆయన ఎక్స్‌ (ట్విట్టర్) వేదికగా ఈ సినిమా ప్రాజెక్ట్‌ను వెల్లడించారు.

హారిక అండ్ హాసిని క్రియేషన్స్ బ్యానర్‌పై ఈ సినిమా తెరకెక్కనుంది. తాజా సమాచారం ప్రకారం, ఈ చిత్రం షూటింగ్‌ జూలై లేదా ఆగస్టు నెలలో ప్రారంభమయ్యే అవకాశం ఉంది. వెంకటేశ్ సోలో హీరోగా నటించే చిత్రం ఇదే కావడం విశేషం. ‘సంక్రాంతికి వస్తున్నాం’ తర్వాత ఆయన సోలో హీరోగా నటించబోయే ప్రాజెక్ట్ ఇదే.

గతంలో వీరి కాంబినేషన్‌లో రూపొందిన ‘నువ్వు నాకు నచ్చావ్’, ‘మల్లీశ్వరి’ వంటి సినిమాలు సూపర్ హిట్ అయ్యాయి. మళ్ళి ఇప్పుడు ఈ కాంబినేషన్‌ లో రాబోయే సినిమాపై అభిమానుల్లో భారీ అంచనాలు ఏర్పడుతున్నాయి. ప్రస్తుతం సినిమాకు సంబంధించి ఇతర నటీనటులు, సాంకేతిక బృందం వివరాలు త్వరలో వెల్లడించే అవకాశం ఉంది. మళ్లీ వెంకటేశ్-త్రివిక్రమ్ కలయిక వెండితెరపై మాయ చేయనుందని సినీ వర్గాలు అంచనా వేస్తున్నాయి.

Trivikram garu’s next 2 projects are locked with @VenkyMama sir and @tarak9999 anna. Everything else is mere speculation. Any confirmed project of Trivikram garu will be announced by me in this space.

— Naga Vamsi (@vamsi84) June 12, 2025

రీసెంట్ గా సంక్రాంతికి వస్తున్నాం సినిమాతో సూపర్ సక్సెస్ అందుకున్నారు వెంకటేష్. అనిల్ రావిపూడి దర్శకత్వంలో వచ్చిన ఈ సినిమా టాలీవుడ్ ఆడియన్స్ ని మెప్పించింది. తనదైన కామెడీ యాంగిల్స్ తో రెచ్చిపోయారు వెంకీ. ఈ చిత్రంలో వెంకటేష్ సరసన మీనాక్షి చౌదరి, ఐశ్వర్య రాజేష్ హీరోయిన్లుగా నటించారు. కంప్లీట్ ఫ్యామిలీ ఎంటర్‌టైనర్‌‌గా ప్రేక్షకుల ముందుకొచ్చిన ఈ సినిమా బాక్సాఫీస్ వద్ద భారీ కలెక్షన్స్ రాబట్టింది. అదే జోష్ లో త్రివిక్రమ్ శ్రీనివాస్ సెట్స్ లోకి అడుగుపెట్టబోతున్నారు విక్టరీ వెంకటే