బంగాళాఖాతంలో మరో అల్పపీడనం.. ఏపీలో టెన్షన్ టెన్షన్

Mana Enadu : ఏపీని భారీ వర్షాలు ముంచెత్తుతున్నాయి. ఇప్పటికే వర్షాల(AP Rains)తో వణుకుతున్న రాష్ట్రానికి వాతావరణ శాఖ అధికారులు మరో వార్త చెప్పారు. బంగాళాఖాతంలో మరో అల్పపీడనం ఏర్పడిందని తెలిపారు. ఉత్తర అండమాన్ సముద్ర ప్రాంతంలో ఎగువ గాలుల్లో కొనసాగిన చక్రవాతపు ఆవర్తనం ప్రభావం వల్ల తూర్పు – మధ్య బంగాళాఖాతం పరిసర ఉత్తర అండమాన్ (Andaman) సముద్ర ప్రాంతంలో అల్పపీడనం ఏర్పడినట్లు వెల్లడించారు. ఇది పశ్చిమ – వాయువ్య దిశగా కదులుతూ మరింత బలపడి ఇవాళ వాయుగుండంగా మారే అవకాశం ఉన్నట్లు పేర్కొన్నారు.

ఉత్తర కోస్తాలో భారీ వర్షాలు

ఇది ఈనెల 23న తూర్పు – మధ్య బంగాళాఖాతం(Bay Of Bengal)లో తుపానుగా ఏర్పడే అవకాశం ఉందని విశాఖ ఐఎండీ ముఖ్య అధికారి కేవీఎస్‌ శ్రీనివాస్‌ తెలిపారు. వాయువ్య దిశగా కదులుతూ ఈనెల 24 తేదీ ఉదయానికి ఒడిశా, పశ్చిమ బంగాల్ మధ్య తీరం దాటే అవకాశం ఉన్నట్లు.. 24న వాయువ్య బంగాళాఖాతంలో తుపానుగా మారే అవకాశం ఉందని వెల్లడించారు. దీని ప్రభావంతో ఉత్తర కోస్తా (North Coastal) మీదుగా పలు ప్రాంతాల్లో భారీ వర్షాలు కురుస్తాయని పేర్కొన్నారు.

మత్స్యకారులకు అలర్ట్

తుపాను ప్రభావంతో ఈ నెల 24, 25వ తేదీల్లో కోస్తాంధ్ర ప్రాంతంలో భారీ వర్షాలు పడతాయని వాతావరణ శాఖ వెల్లడించింది. ఒడిశా వైపు సముద్రంలో వేటకు వెళ్లే మత్స్యకారులు (Fishermen) వెనక్కి రావాలని ముందస్తుగా సూచించింది. ప్రజలు అప్రమత్తంగా ఉండాలని తెలిపింది. మిగిలిన చోట్ల తేలికపాటి నుంచి మోస్తరు వర్షాలు కురిసే అవకాశం ఉందని పేర్కొంది. అక్టోబరు 22 నుంచి 25 వరకు మత్స్యకారులు వేటకు వెళ్లవద్దని హెచ్చరించింది.

Related Posts

Kaleshwaram Project: కాళేశ్వరం ప్రాజెక్టుపై సీబీఐ విచారణ.. ప్రభుత్వం సంచలన నిర్ణయం

కాళేశ్వరం ప్రాజెక్టు(Kaleshwaram Project) నిర్మాణంలో అక్రమాలు జరిగాయని ఆరోపించిన కాంగ్రెస్ సర్కార్(Congress Govt).. అందుకోసం జస్టిస్ పీసీ ఘోష్(Justice PC Ghosh) కమిషన్‌ను ఏర్పాటు చేసిన విషయం తెలిసిందే. దీనిపై కమిషన్ దాదాపు 650 పేజీలతో కూడిన నివేదికను ప్రభుత్వానికి అందజేసింది.…

ఆదోని నుంచి సైకిల్‌పై వచ్చిన అభిమానికి మెగాస్టార్ ఇచ్చిన అద్భుతమైన గిఫ్ట్! వీడియో వైరల్..

మెగాస్టార్ చిరంజీవి(Chiranjeevi) పట్ల అభిమానులు చూపించే ప్రేమ మరోసారి బయటపడింది. ఆదోని(Adoni) నుంచి హైదరాబాద్(Hyderadad) వరకు సైకిల్‌పై ఒంటరిగా ప్రయాణించి వచ్చిన మహిళా అభిమాని రాజేశ్వరి(Rajeshwari) అందరినీ కదిలించింది. ఎన్ని కష్టాలు, అడ్డంకులు ఎదురైనా తన ఆరాధ్య నటుడిని చూడాలన్న తపన…

Leave a Reply

Your email address will not be published. Required fields are marked *