admin
Mana Enadu : ప్రపంచ కుబేరుడు, టెస్లా సీఈవో ఎలాన్ మస్క్ (Elon Musk) రోజుకో విషయంలో వార్తల్లో నిలుస్తున్నారు. ఆయన సోషల్ మీడియాలో చాలా యాక్టివ్ గా ఉంటారన్న విషయం తెలిసిందే. ముఖ్యంగా తన కంపెనీ ఎక్స్ మాధ్యమంలో చాలా చురుగ్గా ఉంటారు. వివిధ విషయాలపై తన అభిప్రాయాన్ని వ్యక్తం చేస్తుంటారు. ఇక నెటిజన్లతోనూ తరచూ ఇంటరాక్ట్ అవుతుంటారు. అయితే తాజాగా ఆయన ఓ కీలక నిర్ణయం తీసుకున్నారు. అదేంటంటే..
పేరు మార్చుకున్న మస్క్
2024 ఏడాదికి ముగింపు పలుకుతూ.. 2025 సంవత్సరానికి స్వాగతం పలుకుతున్న వేళ న్యూ ఇయర్ (New Year 2025) సందర్భంగా ఎలాన్ మస్క్ ఓ సంచలన నిర్ణయం తీసుకున్నారు. ఆయన తాజాగా తన పేరును మార్చుకున్నారు. తన సొంత సోషల్ మీడియా ప్లాట్‌ఫామ్‌ అయిన ఎక్స్ (official X account)లో తన పేరును ఎలాన్ మస్క్‌కు బదులుగా ‘కేకియస్‌ మాక్సిమస్‌’ (Kekius Maximus)గా మార్చారు. ఇది చూసిన నెటిజన్లు షాక్ అవుతున్నారు. వెంటనే ఆ పేరుకు అర్థం ఏంటా..? అని నెట్టింట ఆరా తీశారు. కేకియస్‌ అనేది ఓ క్రిప్టో కరెన్సీ టోకెన్‌. ఇది పలు బ్లాక్‌ చెయిన్‌ ప్లాట్‌ఫామ్స్‌లో అందుబాటులో ఉంది.
ప్రపంచ కుబేరుడు
ఇక ఇటీవలే ఎలాన్ మస్క్ ఓ అరుదైన రికార్డు సృష్టించారు. ప్రపంచ కుబేరుడిగా తన స్థానాన్ని పదిలం చేసుకున్న మస్క్.. వ్యక్తిగత సంపద ఏకంగా 400 బిలియన్‌ డాలర్ల మార్కును దాటేసింది. ఈ మైలురాయిని ఇప్పటి వరకు ఎవరూ అధిగమించకపోవడం గమనార్హం. ఈ రికార్డు క్రియేట్ చేసిన తొలి వ్యక్తిగా మస్క్ నిలిచారు. బ్లూంబర్గ్‌ బిలియనీర్స్‌ ఇండెక్స్‌ తాజా వివరాల ప్రకారం మస్క్ సంపద విలువ 447 బిలియన్‌ డాలర్లకు చేరింది.
Desk
swarna boddula
