Panchayat Elections: రాష్ట్రంలో కొత్తగా 18 లక్షల మంది ఓటర్లు.. తుది జాబితా విడుదల

తెలంగాణలో పంచాయతీ ఎన్నికల(Panchayat Elections) సందడి మొదలైంది. ఇప్పటికే ఎన్నికల షెడ్యూల్(Election Schedule) రాకముందే అధికారులు ఏర్పాట్లు ముమ్మరం చేస్తున్నారు. మొత్తం మూడు విడతల్లో ఈ ఎన్నికలు జరగనున్నాయి. కాగా పంచాయతీ ఎన్నికలు బ్యాలెట్ పేపర్(Ballot paper) ద్వారానే నిర్వహించాలని ఎన్నికల సంఘం సిద్ధమైనట్లు తెలుస్తోంది. మరోవైపు రాష్ట్రంలో సవరణ తర్వాత తుది ఓటర్ల జాబితాను సోమవారం సాయంత్రం రాష్ట్ర ఎన్నికల ప్రధాన అధికారి సుదర్శన్ రెడ్డి(Chief Election Officer Sudharshan Reddy) ప్రకటించారు. తాజా జాబితాలో కొత్తగా 18 లక్షల మందికిపైగా కొత్త ఓటర్లను చేర్చినట్లు ఆయన తెలిపారు.

సవరణ తరువాత ఓటర్ల వివరాలు ఇలా..

ఈ నివేదికలో తెలంగాణ(Telangana)లో మొత్తం ఓటర్లు 3,35,27,925 ఉన్నట్లు రాష్ట్ర ఎన్నికల ప్రధాన అధికారి వెల్లడించారు. ఇందులో పురుషు ఓటర్లు 1,66,41,489 మంది ఓటర్లు ఉండగా.. మహిళా ఓటర్లు 1,68,67,735 మంది ఉన్నారు. అలాగే థర్డ్ జండర్ ఓటర్లు 2,829 మంది ఉన్నట్లు చెప్పారు. వీరితోపాటు యువ ఓటర్లు (వయస్సు 18-19 సంవత్సరాలు) 5,45,026 మంది, 85 ఏళ్లు ఆపై గల వృద్ధుల ఓట్లు 2,22,091 ఉన్నట్లు CEO వెల్లడించారు. వీరితోపాటు ఓవర్సీస్ (NRI) ఓటర్లు 3,591 మంది, PWD ఓటర్లు 5,26,993 మంది ఉన్నట్లు సుదర్శన్‌రెడ్డి వివరించారు.

ఇక వరుసగా ఎన్నికల నిర్వహణ!

రాష్ట్ర వ్యాప్తంగా 12,815 గ్రామ పంచాయతీలు, 1.14లక్షల వార్డు సభ్యుల స్థానాలకు వచ్చే నెలలో ఎన్నికల నిర్వహణకు ప్రభుత్వం కసరత్తు చేస్తోంది. పంచాయతీ ఎన్నికల తర్వాత MPTC, ZPTC ఎన్నికలు, ఆ తర్వాత మున్సిపల్, నగర పాలక సంస్థల ఎన్నికలను వరుసగా నిర్వహించేందుకు కార్యాచరణ రూపొందిస్తోంది. ప్రజల్లో ప్రభుత్వం పట్ల ఉన్న సానుకూలతను సొమ్ము చేసుకుని పంచాయతీ ఎన్నికలలో జయకేతనం ఎగురవేయాలని రేవంత్ సర్కార్ భావిస్తోంది.

Related Posts

Kaleshwaram Project: కాళేశ్వరం ప్రాజెక్టుపై సీబీఐ విచారణ.. ప్రభుత్వం సంచలన నిర్ణయం

కాళేశ్వరం ప్రాజెక్టు(Kaleshwaram Project) నిర్మాణంలో అక్రమాలు జరిగాయని ఆరోపించిన కాంగ్రెస్ సర్కార్(Congress Govt).. అందుకోసం జస్టిస్ పీసీ ఘోష్(Justice PC Ghosh) కమిషన్‌ను ఏర్పాటు చేసిన విషయం తెలిసిందే. దీనిపై కమిషన్ దాదాపు 650 పేజీలతో కూడిన నివేదికను ప్రభుత్వానికి అందజేసింది.…

ఆదోని నుంచి సైకిల్‌పై వచ్చిన అభిమానికి మెగాస్టార్ ఇచ్చిన అద్భుతమైన గిఫ్ట్! వీడియో వైరల్..

మెగాస్టార్ చిరంజీవి(Chiranjeevi) పట్ల అభిమానులు చూపించే ప్రేమ మరోసారి బయటపడింది. ఆదోని(Adoni) నుంచి హైదరాబాద్(Hyderadad) వరకు సైకిల్‌పై ఒంటరిగా ప్రయాణించి వచ్చిన మహిళా అభిమాని రాజేశ్వరి(Rajeshwari) అందరినీ కదిలించింది. ఎన్ని కష్టాలు, అడ్డంకులు ఎదురైనా తన ఆరాధ్య నటుడిని చూడాలన్న తపన…

Leave a Reply

Your email address will not be published. Required fields are marked *