admin
SLBC టన్నెల్ ప్రమాద ఘటన (SLBC Tunnel Collapse) విషాదాంతంగా ముగిసింది. ఈ ప్రమాదంలో టన్నెల్ లో చిక్కుకున్న 8 మంది కోసం గత వారం రోజులుగా రెస్క్యూ బృందాలు తీవ్రంగా శ్రమిస్తున్నాయి. అయితే వారి శ్రమ వృథా అయింది. ఈ ఎనిమిది మంది జీవ సమాధి అయ్యారు. మూడు మీటర్ల లోతులో రెస్క్యూ టీం వీరి మృత‌దేహాల‌ను గుర్తించింది.
అధునాత‌న ప‌రిక‌రాలు, రాడార్‌ల‌తో మృత‌దేహాల‌ను గుర్తించిన‌ట్లు రెస్క్యూ టీం తెలిపింది. మృతుల్లో ఆరుగురు కార్మికులు, ఇద్ద‌రు ఇంజినీర్లు ఉన్నట్లు అధికారులు తెలిపారు. మృత‌దేహాల‌ను సొరంగం నుంచి బయటకు తీసేందుకు స‌మ‌యం ప‌ట్టే అవకాశం ఉందని వెల్లడించారు.
అసలేం జరిగిందంటే..
నాగర్ కర్నూల్ జిల్లా దోమలపెంట ఎస్ఎల్‌బీసీ టన్నెల్ వద్ద ఈనెల 22వ తేదీన శ్రీశైలం ఎడమ గట్టు కాలువ సొరంగంలో 14వ కిలోమీటర్‌ వద్ద పైకప్పు కూలి ప్రమాదం జరిగింది. ఈ ఘటనలో ఎనిమిది టన్నెల్ లోపలే చిక్కుకున్నారు. వారి ఆచూకీ కనిపెట్టేందుకు కేంద్ర, రాష్ట్ర ప్రభుత్వ రెస్క్యూ బృందాలు ఎన్డీఆర్ఎఫ్, ఇండియన్ ఆర్మీ, హైడ్రా, సింగరేణి టీమ్ వారం రోజుల నుంచి శ్రమించాయి.
బురద, నీరు సహాయక చర్యలకు అడుగడుగునా అడ్డు తగిలినా వారు అందులో చిక్కుకున్న వారిని ఎలాగైనా బయటకు తీసుకురావాలన్న లక్ష్యంతో అన్ని ప్రయత్నాలు చేశారు. కానీ రెస్క్యూ టీమ్స్ ప్రయత్నాలేమీ ఫలించలేదు. వారిని రక్షించేందుకు సహాయక చర్యలు చేపట్టిన రెస్క్యూ బృందానికి ఇవాళ మూడు మీటర్ల లోతులో ఎనిమిది మృతదేహాలు కనిపించాయి. దీంతో అందులో చిక్కుకున్న వారంతా సజీవసమాధి అయినట్లు అధికారులు తెలిపారు.
Desk
swarna boddula
