‘గులాబీ’తో శ్రీకాంత్ ఓదెల నయా ప్రయోగం

‘దసరా’ సినిమాతో టాలీవుడ్ లో తన సత్తా చాటాడు డైరెక్టర్ శ్రీకాంత్ ఓదెల (Srikanth Odela). ప్రస్తుతం ఆయన నానితో ది ప్యారడైజ్ చిత్రాన్ని చేస్తున్నారు. ఆ తర్వాత మెగాస్టార్ చిరంజీవితో మరో సినిమా ప్లాన్ చేస్తున్నారు. ఓవైపు సినిమాలకు దర్శకత్వం వహిస్తూ తాజాగా ఆయన నిర్మాణ రంగంలోకి అడుగుపెట్టారు. ‘సమ్మక్క సారక్క క్రియేషన్స్ (Sammakka Saarakka Creations)’ పేరుతో ఓ కొత్త నిర్మాణ సంస్థను స్థాపించారు.

ఒక పోరి పోరడిలా ప్రేమిస్తే ఎలా ఉంటది?!❤️@ChaiBisketFilms and @SaSaCreations_ proudly bring to you ‘𝑨𝒍 𝑨𝒎𝒊𝒏𝒂 𝒁𝒂𝒓𝒊𝒚𝒂 𝑹𝒖𝒌𝒔𝒂𝒏𝒂’𝒔 #𝑮𝒖𝒍𝒂𝒃𝒊 ‘🌹

A hard-hitting love story based on true incidents that took place in 2009, set in the coal town of Godavarikhani. pic.twitter.com/jotyPqrBX5

— Sammakka Sarakka Creations (@SaSaCreations_) March 10, 2025

గులాబీతో శ్రీకాంత్ ప్రయోగం

తాజాగా ఆయన తన నిర్మాణ సంస్థలో తొలి సినిమాను ప్రకటించారు. అనురాగ్ రెడ్డి, శరత్ చంద్రల ‘చాయ్ బిస్కెట్ ఫిల్మ్స్’ కలిసి ఓ చిత్రాన్ని నిర్మిస్తున్నారు.  ‘అల్ అమీనా జారియా రుక్సానా’స్ గులాబీ (Al Amina Zariya Ruksana’s GULABI)’ అనే ఇంట్రెస్టింగ్ టైటిల్‌ను ఈ మూవీకి ఖరారు చేశారు. తాజాగా ఈ సినిమాను అనౌన్స్ చేస్తూ ఓ ఆసక్తికరమైన పోస్టర్ ని విడుదల చేశారు. ఈ పోస్టర్ లో ఓ యువతి నల్లచీరలో దేశ సరిహద్దులో నడుస్తూ కనిపించింది. ఇక ఆమెపై ఎర్ర గులాబీలు కురుస్తున్నట్లుగా ఇందులో చూడొచ్చు.

Few stories start humble and land with a bang. Am sure this is one such beauty.@odela_srikanth bring us more stories with all heart my boy.@anuragmayreddy , Sharath wishing you guys a big success with this one too. #Gulabi pic.twitter.com/lInGhg7Yb8

— Nani (@NameisNani) March 10, 2025

రియల్ లవ్ స్టోరీ ఆధారంగా

ఈ ఆసక్తికరమైన పోస్టర్ ఇప్పుడు సినిమాపై క్యూరియాసిటీ పెంచేస్తోంది. 2009లో జరిగిన నిజసంఘటనల ఆధారంగా ఈ చిత్రాన్ని రూపొందిస్తున్నారు. రొమాంటిక్ డ్రామాగా ఈ సినిమా తెరకెక్కుతోంది. గోదావరిఖని ప్రాంతంలో ఓ యువతి తాను ప్రేమించిన వ్యక్తిని ఎలా కలిసింది.. ఆ ప్రేమ ఎంత తీవ్రంగా మారింది.. తన ప్రేమ దక్కించుకునేందుకు ఆ యువతి ఏం చేసింది.. చివరకి ఈ ప్రేమకథ మజిలీకి చేరిందా లేదా అన్న కోణంలో ఈ సినిమాను తెరకెక్కిస్తున్నట్లు సమాచారం.

కథ, నిర్మాణం- శ్రీకాంత్ ఓదెల

చేతన్ బండి దర్శకుడిగా రూపొందిస్తున్న ఈ సినిమాకు శ్రీకాంత్ ఓదెల కథను అందించారు. నిర్మాణ బాధ్యతలు కూడా చూసుకుంటున్నారు. ప్రస్తుతం ఈ సినిమా ప్రీ-ప్రొడక్షన్ దశలో ఉంది. త్వరలోనే ఇందులోని నటీనటులను పరిచయం చేయనున్నట్లు మేకర్స్ తెలిపారు. ఇక ఈ సినిమాను అనౌన్స్ చేస్తూ శ్రీకాంత్ ఓదెల సోషల్ మీడియాలో పోస్టు పెట్టారు. శ్రీకాంత్ కు బెస్ట్ విషెస్ చెబుతూ ఆయన హీరో నేచురల్ స్టార్ నాని (Nani On Gulabi) నెట్టింట తన సపోర్టును ప్రకటించారు.