admin
ఎప్పుడెప్పుడా అని ఎదురుచూస్తున్న తరుణం వచ్చేసింది. గ్రూప్- 1 (Group 1 Results) అభ్యర్థులకు తెలంగాణ పబ్లిక్ సర్వీస్ కమిషన్ (TGPSC) తీపికబురు అందించింది. గ్రూప్-1 మెయిన్స్ పరీక్షల ప్రొవిజనల్‌ మార్కులను తాజాగా విడుదల చేసింది. టీజీపీఎస్సీ వెబ్‌సైట్‌లో అభ్యర్థి లాగిన్‌ అయి ప్రొవిజనల్‌ మార్కులు చూసుకునే అవకాశం కల్పించింది.
గ్రూప్-1 మెయిన్స్ రిజల్ట్స్ ఇవే
మొత్తం 563 పోస్టుల భర్తీకి టీజీపీఎస్సీ గ్రూప్-1 పరీక్షలు నిర్వహించిన విషయం తెలిసిందే. గతేడాది అక్టోబర్‌ చివరివారంలో గ్రూప్-1 మెయిన్స్ పరీక్షలు పూర్తయ్యాయి. మొత్తం 21,093 మంది అభ్యర్థులు ఈ పరీక్షలు రాసి ఫలితాల కోసం వేచి చూస్తున్నారు. గ్రూపు-1 మెయిన్స్ ఫలితాలు చూసుకునేందుకు ఇక్కడ క్లిక్ చేయండి.
రీ కౌంటింగ్ ఆప్షన్ ఉంది
ఇక ప్రాథమిక జాబితాలో వచ్చిన ఈ మార్కులపై సందేహాలున్న వారు 15 రోజుల్లోగా ఒక్కో పేపర్‌కు రూ. 1000 చొప్పున చెల్లించి రీ కౌంటింగ్‌కు ఆన్‌లైన్‌లో దరఖాస్తు చేసుకోవచ్చని టీజీపీఎస్సీ తెలిపింది. ఈ అభ్యర్థుల పేపర్లోలని మార్కులను మరోసారి లెక్కించి.. పొరపాట్లుంటే సరిచేసి మెరిట్ ఆధారంగా 1:2 నిష్పత్తిలో ధ్రువీకరణ పత్రాల పరిశీలన జాబితాను ప్రకటించనున్నట్లు వెల్లడించింది.
Desk
swarna boddula
