admin
ఆన్‌లైన్ బెట్టింగ్ యాప్స్(Online betting apps) వల్ల ఓ యువకుడు ప్రాణాలు కోల్పోయాడు. క్రికెట్ బెట్టింగ్(Cricket Betting)లో డబ్బులు పోగొట్టుకొని ఓ యువకుడు ఆత్మహత్య(Suicide) చేసుకున్నాడు. మేడ్చల్ పోలీస్ స్టేషన్ పరిధిలోని గౌడవెల్లిలో ఇవాళ (మార్చి 25) ఈ ఘటన చోటు చేసుకుంది. చేతికి అందివచ్చిన తమ కుమారుడు ఇలా రైలు కింద పడి ఆత్మహత్య(Suicide by falling under a Train) చేసుకోవడంతో తల్లిద్రండులు, కుటుంబీకులు కన్నీరుమున్నీరుగా విలపిస్తున్నారు. అటు స్థానికంగానూ ఈ ఘటన కలకలం రేపుతోంది.
అప్పులు తీర్చలేక మనోవేదన
గుండ్ల పోచంపల్లికి చెందిన సోమేశ్(Somesh) అనే 29 ఏళ్ల యువకుడికి క్రికెట్ అంటే పిచ్చి. దాంతో ఆన్‌లైన్ బెట్టింగ్ యాప్స్‌లో క్రికెట్ మ్యాచ్లపై బెట్టింగ్ వేసి రూ.2 లక్షలు పోగొట్టుకున్నాడు. అప్పులు(Loans) తీర్చలేక అతడు మనోవేదనకు గురయ్యాడు. ఈ క్రమంలోనే అతడు క్షణికావేశంలో తీవ్రనిర్ణయం తీసుకున్నాడు. గౌడవెల్లి పరిధిలో మంగళవారం పట్టాలపై రైలు కింద పడి ఆత్మహత్య చేసుకున్నాడు. ఈ మేరకు అతడి తల్లిదండ్రులు పోలీసులకు ఫిర్యాదు చేశారు.
బెట్టింగ్ యాప్స్ ప్రమోషన్లపై కేసులు
కాగా AP, తెలంగాణ రాష్ట్రాల్లో ఆన్‌లైన్ బెట్టింగ్ యాప్స్ ప్రమోషన్ కేసులు(Betting apps promotion cases) నమోదవుతున్న విషయం తెలిసిందే. రాష్ట్ర ప్రభుత్వం, పోలీస్ శాఖ పలువురు సినీ సెలబ్రిటీలు(Cine celebrities), సోషల్ మీడియా ఇన్‌ఫ్లూయెన్సర్ల(social media influencers) బెట్టింగ్ యాప్స్ ప్రమోషన్లపై కేసులు నమోదు చేసి నోటీసులు ఇచ్చింది. దీనిపై యాంకర్లు శ్యామల, విష్ణుప్రియ, రీతూచౌదరి సహా పలువురు పంజాగుట్ట PSలో విచారణకు హాజరయ్యారు. వారు ఇచ్చిన సమాచారంతో మరింత లోతుగా బెట్టింగ్ యాప్స్ కేసు దర్యాప్తు జరుగుతోంది. ఇటీవల రామారావు అనే వ్యక్తి బాలకృష్ణ, ప్రభాస్, గోపీచంద్‌లపై కూడా ఫిర్యాదు చేసిన విషయం తెలిసిందే.
Desk
swarna boddula
