డీలిమిటేషన్‌కు వ్యతిరేకంగా అసెంబ్లీలో తీర్మానం

తెలంగాణ శాసనసభ సమావేశాలు (Telangana Assembly Sessions 2025) చివరి రోజున కొనసాగుతున్నాయి. ఇవాళ్టి సమావేశాల్లో ద్రవ్య వినిమయ బిల్లుపై ఉభయసభల్లో చర్చిస్తున్నారు. 2025 – 26 ఆర్థిక సంవత్సరానికి సంబంధించిన బడ్జెట్ పై సాధారణ చర్చ పూర్తి కావడంతో పాటు పద్దులు ఆమోదం పొందిన విషయం తెలిసిందే. ఇక ఈరోజు అసెంబ్లీలో ముఖ్యమంత్రి రేవంత్ రెడ్డి (CM Revanth Reddy) డీలిమిటేషన్‌కు వ్యతిరేకంగా తీర్మానాన్ని ప్రవేశపెట్టారు.

అసెంబ్లీ నియోజకవర్గాలను 153కు పెంచాలి

ఈ సందర్భంగా ముఖ్యమంత్రి రేవంత్ రెడ్డి ప్రసంగిస్తూ.. డీలిమిటేషన్‌(Delimitation)పై రాష్ట్రాల అభిప్రాయాలను తీసుకోకపోవడాన్ని ఈ సభ తీవ్రంగా ఖండిస్తోందని అన్నారు. డీలిమిటేషన్‌ వల్ల జనభా తగ్గించిన రాష్ట్రాలు నష్టపోకూడదని తెలిపారు. ప్రస్తుతం ఉన్న లోక్‌సభ నియోజకవర్గాలనే కొనసాగించాలని డిమాండ్ చేశారు. అసెంబ్లీ నియోజకవర్గాల (Assembly Constitutions)ను 153కు పెంచాలని పేర్కొన్నారు. ప్రస్తుత జనాభాకు అనుగుణంగా ఎస్సీ, ఎస్టీ సీట్లను పెంచాలని కేంద్ర ప్రభుత్వాన్ని కోరారు.

సౌత్‌కు లిమిటేషన్‌గా మారే ప్రమాదం

“2026లో జనాభా లెక్కలు చేపట్టి నియోజకవర్గాల పునర్విభజన చేపట్టాలనుకోవడం చర్చనీయాంశంగా మారింది. 1971 తర్వాత జనాభా నియంత్రణ విధానాలను.. దక్షిణాది రాష్ట్రాలు అమలు చేశాయి. కానీ ఉత్తరాది రాష్ట్రాల్లో జనాభా నియంత్రణ జరగలేదు. డీలిమిటేషన్ అనేది సౌత్‌కు లిమిటేషన్‌గా మారే ప్రమాదం ఉంది. అందుకే దీన్ని మేం వ్యతిరేకిస్తున్నాం.” అని అసెంబ్లీలో ప్రసంగిస్తూ ముఖ్యమంత్రి రేవంత్ రెడ్డి అన్నారు.