ఫ్యానిజం అంటే ఇదేరా.. తారక్ కోసం తెలుగు నేర్చుకున్న జపాన్ లేడీ

అభిమానానికి హద్దులు లేవని అప్పుడప్పుడు కొందరు సినీ నటుల ఫ్యాన్స్ ను చూస్తే అనిపిస్తుంటుంది. తమ ఫేవరెట్ నటులపై ఉన్న అభిమానాన్ని చాటుకునేందుకు వారు చేసే ప్రయత్నాలు ఆ నటులనే కాదు సామాన్య జనాన్ని కూడా కదిలిస్తాయి. ఇప్పటివరకు ఇలాంటి ఎందరో అభిమానులను చూశాం. కానీ భారతీయ నటుడి కోసం అందులోనూ టాలీవుడ్ హీరో కోసం జపాన్ కు చెందిన ఓ యువతి ఏకంగా తెలుగు నేర్చుకుంది. తన అభిమాన హీరో సినిమాను తెలుగు(Telugu)లోనే చూడాలని.. తెలుగులో ఆయన చెప్పే డైలాగ్స్ ఆయన గొంతులోనే వినాలనుకుంది. అందుకోసం ఆమె రెండేళ్ల పాటు కష్టపడి తెలుగులో మాట్లాడటం, రాయడం నేర్చుకుంది.

My visits to Japan always give me beautiful memories but this one hit differently. Hearing a Japanese fan tell me she learned Telugu after watching RRR truly moved me.

Being a lover of cinema and languages, the power of cinema to be a bridge across cultures and encouraging a… pic.twitter.com/4bQ1v8ZZP8

— Jr NTR (@tarak9999) March 27, 2025

జపాన్ లో తారక్

ఇంతకీ ఆ హీరో ఎవరో కాదు. మ్యాన్ ఆఫ్ మాసెస్, యంగ్ టైగర్, పాన్ ఇండియా స్టార్ జూనియర్ ఎన్టీఆర్ (Jr NTR). తారక్ కు జపాన్ లో మంచి ఫాలోయింగ్ ఉన్న విషయం తెలిసిందే. అందుకే ఆర్ఆర్ఆర్ సినిమాను ఆ దేశంలోనూ విడుదల చేసి జపనీస్ అభిమానులకు సినీవిందు ఇచ్చారు. ఇక ఇటీవల కొరటాల శివ దర్శకత్వంలో ఎన్టీఆర్ దేవర (Devara) సినిమాలో నటించాడు. ఇక్కడ ఆ చిత్రం విడుదలై సూపర్ హిట్ టాక్ తెచ్చుకుంది. అయితే దేవర చిత్రాన్ని తాజాగా జపాన్ లోనూ రిలీజ్ చేశారు. ఈ సందర్భంగా తారక్ ఆ దేశంలో పర్యటించి అభిమానులను కలిశారు.

అన్నా నీకోసం తెలుగు నేర్చుకున్నా

ఈ సందర్భంగా తారక్ జపాన్ అభిమానులకు ఆటోగ్రాఫ్ ఇచ్చాడు. ఆ సమయంలో ఓ లేడీ ఫ్యాన్ (Japanese Lady Fan).. అన్నా.. అన్నా.. నీ కోసం నేను తెలుగు నేర్చుకున్నాను. ఆర్ఆర్ఆర్ సినిమా చూసేందుకు తెలుగు నేర్చుకున్నాను. రెండేళ్లు కష్టపడి ఈ భాష నేర్చుకున్నాను. ఈ పుస్తకం చూడు.. అందులో తెలుగులో రాయడం నేర్చుకున్నాను అంటూ తారక్ తో తెలుగులో మాట్లాడింది. జపాన్ లేడీ ఫ్యాన్స్ కు ఆటోగ్రాఫ్ ఇస్తున్న ఎన్టీఆర్ ఒక్కసారిగా తెలుగు భాష వినిపించేసరికి తలెత్తి పైకి చూశాడు. జపాన్ మహిళ తెలుగులో మాట్లాడటం చూసి చాలా సంతోషించాడు. ఈ సంఘటనకు సంబంధించిన వీడియోను తన ఎక్స్ ఖాతాలో షేర్ చేశాడు. విభిన్న సంస్కృతులతోపాటు భాష నేర్చుకునేందుకు సినిమా దోహదపడుతున్నందుకు సంతోషిస్తున్నానని పోస్టులో రాసుకొచ్చాడు.