admin
అమెరికాలో ఉన్నత విద్యను అభ్యసించాలని చాలా మంది కలలు కంటుంటారు. ముఖ్యంగా భారతీయుల్లో చాలా మంది యూఎస్ లో సెటిల్ అవ్వాలని భావిస్తుంటారు. అందుకే ఇండియా నుంచి ముఖ్యంగా తెలుగు రాష్ట్రాల నుంచి అగ్రరాజ్యానికి వెళ్లే వారి సంఖ్య చాలా ఎక్కువ. అయితే డొనాల్డ్ ట్రంప్ (Donald Trump) అధ్యక్ష పీఠం ఎక్కినప్పటి నుంచి వివిధ రకాల ఆంక్షలు, ప్రక్షాళన, సుంకాల పేరుతో ప్రపంచ దేశాలకు చుక్కలు చూపిస్తున్నారు. ఈ నేపథ్యంలోనే విద్యార్థి వీసాల (Students Visa) సంఖ్యకు కత్తెర వేస్తున్నారు. కొత్తగా వస్తున్న అప్లికేషన్లను భారీగా రిజెక్ట్ చేస్తోంది.
తెలుగు విద్యార్థులే అధికం
తాజాగా యూఎస్ సర్కార్ తిరస్కరించిన విద్యార్థి వీసా (US Student Visa Rejections) దరఖాస్తుల్లో సగానికి పైగా తెలుగు రాష్ట్రాలకు చెందిన వారివే ఉన్నాయని హైదరాబాద్ కు చెందిన ఓ కన్సల్టెన్సీ తెలిపింది. గత 20 ఏళ్లలో ఈ స్థాయిలో వీసా రిజెక్షన్ ఎన్నడూ చూడలేదని పేర్కొంది. అక్కడి వర్సిటీల్లో అడ్మిషన్లు లభించినా వీసాలు తిరస్కరిస్తుండడంతో విద్యార్థులు ఆందోళన చెందుతున్నారని వెల్లడించింది. వీసా గడువు ముగిసినా చాలా మంది విద్యార్థులు అమెరికాలోనే ఉండిపోవడం వంటి కారణాల వల్ల భారత్‌ నుంచి వచ్చే కొత్త దరఖాస్తులను ఆమోదించడం లేదని నిపుణులు అంటున్నారు.
ఆ దేశాల వైపు మనవారి చూపు
ప్రపంచవ్యాప్తంగా ఉన్న విద్యార్థులు అమెరికాలో పూర్తి స్థాయిలో విద్యను అభ్యసించేందుకు ఎఫ్‌-1 వీసా (Non Immigrant Visa) అనుమతినిస్తుంది. అమెరికాలోని విద్యా సంస్థలు ఏటా రెండు సార్లు ప్రవేశాలను అనుమతించినా.. ఆగస్టు- డిసెంబర్‌ సెమిస్టర్‌ సమయంలోనే భారతీయ విద్యార్థులు అమెరికాకు ఎక్కువగా వెళ్తుంటారు. గత ఆర్థిక సంవత్సరంలో ఏకంగా 41 శాతం వీసా దరఖాస్తులను అమెరికా తిరస్కరించింది. కానీ కారణాలు మాత్రం వెల్లడించడం లేదు. ఇక యూఎస్ వీసాలు తిరస్కరణకు గురవ్వడంతో విద్యార్థులు యూకే, జర్మనీ దేశాల వైపు మొగ్గు చూపుతున్నారని కన్సల్టెన్సీ సంస్థలు చెబుతున్నాయి.
Desk
swarna boddula
