Desk
రష్యాలో భారీ భూకంపం(Earthquake) సంభవించింది. ఫార్ ఈస్ట్‌లోని కమ్చట్కా ద్వీపకల్పం(Kamchatka Peninsula) సమీపంలో ఈరోజు ఉదయం (జులై 30) రిక్టర్ స్కేలుపై 8.8 తీవ్రతతో భారీ భూకంపం సంభవించింది. ఈ భూకంపం పెట్రోపావ్‌లోవ్స్క్-కమ్చట్స్కీ(Petropavlovsk-Kamchatsky) నగరానికి 125 కిలోమీటర్ల దూరంలో 19.3 కిలోమీటర్ల లోతులో కేంద్రీకృతమై ఉన్నట్లు అధికారులు గుర్తించారు. ఇది భూకంపాలు, అగ్నిపర్వత కార్యకలాపాలకు ప్రసిద్ధి చెందిన పసిఫిక్ రింగ్ ఆఫ్ ఫైర్‌లో జరిగింది. ఈ భూకంపం కారణంగా రష్యా, జపాన్, హవాయి, అలాస్కా, US వెస్ట్ కోస్ట్‌లలో సునామీ హెచ్చరికలు జారీ చేశారు. రష్యా ఎమర్జెన్సీ మినిస్ట్రీ, పసిఫిక్ సునామీ వార్నింగ్ సెంటర్ (PTWC) ప్రకారం, కమ్చట్కా తీరంలో 4 మీటర్ల ఎత్తైన సునామీ అలలు రావచ్చని హెచ్చరించారు.
Massive 8.6 magnitude quake hits Russia — Indonesian authorities issue tsunami warning 🚨🌊 #Earthquake #TsunamiAlert #RussiaQuake #IndonesiaWarning #BreakingNews pic.twitter.com/6q8tUI5COZ
— NatureVibeHub (@naturevibes0279) July 30, 2025
జపాన్, యూఎస్‌లోనూ హెచ్చరికలు
మరోవైపు జపాన్(Japan)లోని హోక్కైడో నుంచిడి క్యూషూ వరకు సునామీ హెచ్చరికలు జారీ అయ్యాయి. 3 నుంచి 4 మీటర్ల వరకూ ఎత్తైన అలలు సంభవించవచ్చని అధికారులు అంచనా వేశారు. హవాయిలోని ఒహాహు తీరంలోని కొన్ని ప్రాంతాల్లో ప్రజలు తక్షణమే ఆయా ప్రాంతాలను ఖాళీ చేయాలని ఆదేశాలు జారీ అయ్యాయి. అటు అలాస్కాలోని అల్యూటియన్ దీవులు, యూఎస్ వెస్ట్ కోస్ట్‌లో కాలిఫోర్నియా, ఒరెగాన్, వాషింగ్టన్‌లలో సునామీ వాచ్ జారీ చేశారు. అటు గ్వామ్, మైక్రోనేషియా దీవులలో కూడా ఈ హెచ్చరికలు అమలులో ఉన్నాయి. కమ్చట్కా గవర్నర్ వ్లాదిమిర్ సోలోడోవ్ ప్రకారం, ఈ భూకంపం దశాబ్దంలోనే అత్యంత తీవ్రమైనదిగా పేర్కొన్నారు. కాగా ఈ భూకంప ఘటనలో భవనాలు పాక్షికంగా దెబ్బతిన్నాయని తెలిపారు. పలువురు స్వల్పంగా గాయపడినట్లు సమాచారం. కాగా సునామీ హెచ్చరికల నేపథ్యంలో అధికారులు తగిన చర్యలు చేపట్టారు.
Massive & Shocking 😨
It’s Worst thing.8.7 magnitude #earthquake Hits East Coast of #Russia.#Tsunamiwarning issued, all over Alaska, Japan and many More places.
Stay strong 🙏jUST pray & Hope all will be alright #Japan #RussiaEarthquake #Breaking #viral #ViralVideo pic.twitter.com/SkQhMEiRbg
— देशहित सर्वोपरि (@Mindblower81) July 30, 2025
admin
swarna boddula
