admin
పాన్ ఇండియా స్టార్ ప్రభాస్ (Prabhas), డైరెక్టర్ సందీప్ రెడ్డి వంగ (Sandeep Reddy Vanga) కాంబోలో వస్తున్న సినిమా ‘స్పిరిట్ (Spirit)’. ఉగాది పర్వదినాన ఈ సినిమా పూజా కార్యక్రమం ఉంటుందని అంతా భావించారు. కానీ అభిమానులకు నిరాశే ఎదురైంది. ఈ సినిమా ఇంకా ప్రారంభం కూడా కాలేదు.. కానీ ఇప్పటికే ఈ చిత్రానికి సంబంధించి చాలా వార్తలు తరచూ నెట్టింట చక్కర్లు కొడుతున్నాయి. ఇక తాజాగా ఈ సినిమా గురించి మరో న్యూస్ సోషల్ మీడియాలో వైరల్ అవుతోంది. అదేంటంటే..?
21 ఏళ్ల తర్వాత ఆ కాంబో రిపీట్
ప్రభాస్ స్పిరిట్ మూవీలో మరో హీరో కనిపించబోతున్నట్లు సమాచారం. తెలుగు నటుడు, ప్రభాస్ కు అత్యంత సన్నిహితుడు, మిత్రుడు, గోపిచంద్ (Gopichand) ఈ మూవీలో ఓ కీలక పాత్రలో కనిపించనున్నట్లు తెలిసింది. ఈ ఇద్దరు మంచి ఫ్రెండ్స్ అన్న విషయం తెలిసిందే. ఇక వీరిద్దరు కలిసి గతంలో వర్షం (Varsham) సినిమాలో నటించారు. అయితే అందులో ప్రభాస్ హీరో కాగా.. గోపిచంద్ విలన్. దాదాపు 21 ఏళ్ల తర్వాత ఈ కాంబో మరోసారి తెరపై కనువిందు చేయనుందట. అయితే గోపిచంద్ పాత్ర గురించి అధికారిక ప్రకటన రావాల్సి ఉంది.
సందీప్ రెడ్డి హీరోలంటే..
ఇక స్పిరిట్ మూవీలో ప్రభాస్ పవర్ ఫుల్ పోలీసు పాత్రలో కనిపించబోతున్నాడని ఇప్పటికే సందీప్ రెడ్డి చెప్పిన విషయం తెలిసిందే. సాధారణంగా సందీప్ రెడ్డి హీరోలంటేనే చాలా వైలెంట్ గా ఉంటారు. అర్జున్ రెడ్డి (Arjun Reddy), యానిమల్ (Animal) సినిమాల్లో హీరోలను చూశారు కదా ఎంత వైలెంటో. ఇక ఆ హీరో పోలీసు అయితే ఏ రేంజులో ఉంటుందో.. అదీ రెబల్ స్టార్ ప్రభాస్ అయితే ఇంకా ఏ రేంజులో ఉంటుందో.. సందీప్ రెడ్డి డార్లింగ్ ను ఎలాంటి అవతార్ లో చూపించబోతున్నాడో అని అభిమానులు చాలా ఆసక్తిగా ఎదురుచూస్తున్నారు.
swarna boddula
Desk
