swarna boddula
తెలుగు సినీ ఇండస్ట్రీలో ఇటీవల సోషల్ మీడియాను షేక్ చేసిన వేడుక అఖిల్ అక్కినేని(Akhil Akkineni) – జైనబ్(Zainab Ravdjee) పెళ్లి సంబరాలే. జూన్ 6న ఈ జంట పెళ్లి పీటలెక్కగా, జూన్ 8న రిసెప్షన్ ఘనంగా నిర్వహించారు. పెళ్లి వేడుకలకు సంబంధించి ఫోటోలు, వీడియోలు నెట్టింట్లో విపరీతంగా వైరల్ అవుతూ ట్రెండింగ్‌లో నిలిచాయి.
అఖిల్, జైనబ్ వివాహ వేడుకల్లో టాలీవుడ్ ప్రముఖులే కాదు, రాజకీయ నేతలు కూడా హాజరయ్యారు. ముఖ్యంగా నాగార్జునకు ఎంతో సన్నిహితురాలైన నటి టబు ప్రత్యేక ఆకర్షణగా మారారు. పెళ్లి వేడుకల్లోని అద్భుత దృశ్యాలు అభిమానులనే కాదు, నెటిజన్లను కూడా ఆకట్టుకున్నాయి.
ఇక రిసెప్షన్ సందర్భంగా ఓ స్పెషల్ క్లిప్ ప్రస్తుతం ట్రెండ్ అవుతోంది. స్టేజ్‌పై శ్రీకాంత్, ఆయన కొడుకు రోషన్, సంగీత దర్శకుడు తమన్(Thaman) కలిసి నవదంపతులను ఆశీర్వదించేందుకు వచ్చారు. ఈ సందర్భంగా తమన్ చేతిలో ఉన్న క్రికెట్ బ్యాట్‌ను అఖిల్‌కు గిఫ్ట్‌గా ఇచ్చారు. “ఇదేం గిఫ్ట్ రా బాబు ఈ టైంలో?” అన్నట్టుగా నవ్వారు. అఖిల్ క్రికెట్ అంటే ఎంతో ఆసక్తి చూపిస్తారన్నది తెలిసిందే. గ్రౌండ్‌లోకి దిగితే భారీ సిక్సర్లతో అదరగొడతారు.
ప్రస్తుతం అఖిల్, శ్రీలీల జంటగా “లెనిన్” అనే చిత్రంలో నటిస్తున్నారు. అయితే శ్రీలీల గత సినిమాలన్నీ బాక్సాఫీస్ వద్ద ఫ్లాప్ అవుతున్న నేపథ్యంలో, ఈ చిత్రం అఖిల్ కెరీర్‌కు బ్రేక్ ఇస్తుందా లేదా అన్నది చూడాలి.
Desk
