admin
అషూ రెడ్డి (Ashu Reddy).. జూనియర్ సమంత అని అభిమానులు ముద్దుగా పిలుచుకుంటారు. చూడటానికి అచ్చం స్టార్ హీరోయిన్ సమంతలాగే ఉంటుంది. డబ్ స్మాష్ లతో పాపులర్ అయి ఆ తర్వాత బిగ్ బాస్ (Bigg Boss Telugu) రియాల్టీషోకు వచ్చి ఆ పాపులారిటీ మరింత పెంచుకుంది. ఆ షో తర్వాత సెన్సేషనల్ డైరెక్టర్ రామ్ గోపాల్ వర్మతో చేసిన బోల్డ్ ఇంటర్వ్యూతో ఈ బ్యూటీకి మరింత క్రేజ్ వచ్చింది. ఇక పలు షోలకు యాంకర్ గా చేస్తూ మరోవైపు సినిమాల్లో నటిస్తూ తన కెరీర్ సాగిస్తోంది. బయటకు ఎప్పుడూ నవ్వుతూ జాలీగా.. చాలా యాక్టివ్ గా కనిపించే అషూ రెడ్డి ఇటీవల చావు అంచుల వరకు వెళ్లొచ్చిందన్న విషయం ఎవరికీ తెలియదు.
అషూరెడ్డికి బ్రెయిన్ సర్జరీ
తాజాగా అషూ రెడ్డి ఇన్ స్టాగ్రామ్(Ashu Reddy Instagram) లో ఓ పోస్టు పెట్టి అభిమానులకు షాక్ ఇచ్చింది. కొంతకాలంగా తాను అనారోగ్యంతో బాధపడుతున్నానని.. బ్రెయిన్ సర్జరీ చేయించుకున్నానని నెట్టింట ఓ వీడియో పోస్టు చేసింది. బ్రెయిన్ సర్జరీ చేయించుకున్న తర్వాత తాను ఎంత కష్టపడిందో ఆ వీడియోలో చూపించింది. ఇందులో అషూ తరచూ కంటతడి పెట్టడం చూడొచ్చు. అలాగే బ్రెయిన్ సర్జరీ చేసిన సమయంలో హెయిర్ కట్.. సర్జరీ సమయంలో వేసిన స్టిచ్చెస్ మార్క్.. తలపై మెడికల్ బ్యాండేజ్ ఇవన్నీ కనిపించాయి. ఈ పోస్టుకు శంకర్ దాదా ఎంబీబీఎస్ సినిమాలోని ఓడిపోవడం తప్పు కాదురా.. చచ్చిపోవడం తప్పు సోదరా అనే పాటను యాడ్ చేసింది.
View this post on Instagram
లైఫ్ అంటే ఇదే
ఇక ఈ వీడియో కింద అషూ రెడ్డి (Ashu Reddy Health Update) అందమైన క్యాప్షన్ రాసుకొచ్చింది. జీవితం అంటే ఇదే. దయచేసి కాస్త దయతో ఉండండి. గొప్పలకు పోకండి. ఈ వైఖరి ఎంతో మందికి మేలు చేస్తుంది. నా చుట్టూ ఉండి.. నేను కోవాలని ప్రార్థించిన అందరికీ ధన్యవాదాలు అంటూ క్యాప్షన్ లో రాసుకొచ్చింది అషూ. ప్రస్తుతం ఈ వీడియో సోషల్ మీడియాలో బాగా వైరల్ అవుతోంది. బ్రెయిన్ సర్జరీ నుంచి విజయవంతగా బయట పడినందుకు నెటిజన్లు కంగ్రాట్స్ చెబుతున్నారు. ఆరోగ్యం విషయంలో జాగ్రత్తలు తీసుకోమని మరికొందరు జాగ్రత్తలు చెబుతున్నారు.
swarna boddula
Desk
