బిగ్​బాస్​ 8 గ్రాండ్​ ఫినాలే ముహూర్తం ఫిక్స్​.. టాప్​ 5 కంటెస్టెంట్స్​ వీళ్లే!

Mana Enadu : బిగ్​బాస్ సీజన్ 8 తెలుగు (Bigg Boss 8 Telugu) ఊహించని ట్విస్ట్​లు, టర్న్​లతో క్లైమాక్స్​కు చేరుకుంది. 14 మంది కంటెస్టెంట్స్​ హౌజ్​లోకి అడుగుపెట్టగా .. ఆ తర్వాత 8 మంది వైల్డ్​కార్డు ఎంట్రీలను హౌస్​లోకి పంపారు. ప్రతివారం ఎలిమినేషన్స్ జరుగుతండగా.. ఇప్పటి వరకు 15 మంది కంటెస్టెంట్లు ఎలిమినేట్​ అయ్యారు. ప్రస్తుతం హౌజ్​లో ఏడుగురు మాత్రమే మిగిలారు.

టాప్-5 కంటెస్టెంట్స్ ఎవరు?

“మీలో ఎవరు టాప్-5కి రావాలో ఆడియన్స్‌యే నిర్ణయిస్తారు” అంటూ అనౌన్స్​ చేసిన బిగ్​బాస్..​ నామినేషన్స్ ప్రక్రియ లేకుండా గతవారం టికెట్​ టూ ఫినాలే గెలిచి ఫస్ట్​ ఫైనలిస్ట్​ అయిన అవినాష్ (Bigg Boss Avinash) మినహా అందరినీ నేరుగా నామినేట్ చేశాడు. దీంతో ఈ వారం నామినేషన్స్​లో విష్ణుప్రియ, గౌతమ్​, నిఖిల్​, ప్రేరణ, రోహిణి, నబీల్​ నిలిచారు. సీజన్​ 8 ఎండింగ్​కు వచ్చిన నేపథ్యంలో టాప్​ – 5 ఎవరా అనే ఉత్కంఠ ఆడియన్స్​లో నెలకొంది.

ఫైనల్ కు ఆ ఐదుగురు

ఇక అవినాష్​ నేరుగా ఫినాలేకి చేరుకున్న విషయం తెలిసిందే. టాప్-5 ఫైనలిస్టు(Bigg Boss Finalists)లో ఇక మిగిలిన నలుగురు ఎవరో ఈ వారం తేలనుంది. గతవారం లాగే ఈ వీక్ కూడా డబుల్​ ఎలిమినేషన్​ ఉంటుంది. అయితే ఒకరు మిడ్​ వీక్​లో, మరొకరు వీకెండ్​లో ఎలిమినేట్​ కానున్నట్లు సమాచారం​. మరోవైపు టాప్​ 5 లో నిఖిల్​, గౌతమ్​, నబీల్​, విష్ణుప్రియ, అవినాష్​ ఉండనున్నట్లు సోషల్ మీడియాలో న్యూస్ వైరల్ అవుతోంది.

ఆరోజే గ్రాండ్ ఫినాలే 

ఈ సీజన్​లో ప్రైజ్ మనీ 54 లక్షల 30 వేల రూపాయలకు చేరింది. ఇది ఇంకా పెరిగే లేదా తగ్గే అవకాశం ఉందంటూ హోస్ట్​ నాగ్ చెప్పారు. తాజా సమాచారం ప్రకారం బిగ్‌బాస్ సీజన్ 8 గ్రాండ్ ఫినాలే (Bigg Boss 8 Grand Finale Telugu) ఎపిసోడ్ డిసెంబర్ 15వ తేదీ ఆదివారం రాత్రి 7 గంటలకు టెలికాస్ట్ కానున్నట్లు తెలిసింది.  మరో 13 రోజుల్లో సీజన్-8 ఎండ్ కాబోతోంది. ఇక ఈ సీజన్ లో ఫినాలే రోజున ట్రోఫీ అందజేయడానికి చీఫ్ గెస్టును కూడా పిలిచే ఆలోచనలో ఉన్నారట.