admin
కెనడా ప్రస్తుత ప్రధాని జస్టిన్‌ ట్రూడో (Justin Trudeau) తన పదవికి రాజీనామా చేయనున్నట్లు ప్రకటించిన విషయం తెలిసిందే. లిబరల్ పార్టీ నాయకత్వ బాధ్యతల నుంచి వైదొలుగుతున్నట్లు చెప్పారు. ఈ క్రమంలో కెనడా (Canada) తదుపరి ప్రధాని ఎవరనేది ఆసక్తిగా మారడంతో తాజాగా లిబరల్ పార్టీ ఓ కీలక ప్రకటన విడుదల చేసింది. మార్చి 9వ తేదీన తమ పార్టీ కొత్త నాయకుడిని ఎన్నుకుంటామని ప్రకటించింది.
అప్పుడే కెనడాకు కొత్త ప్రధాని
‘కొత్త నేతను పార్టీ ఎన్నుకున్న తర్వాత పార్టీ అధ్యక్ష పదవికి, ప్రధాని పదవి(Canada PM)కి కూడా రాజీనామా చేస్తానని ట్రూడో ప్రకటించిన విషయం తెలిసిందే. కొత్త నేతను ఎన్నుకునేవరకు కెనడా (Canada Parliament) పార్లమెంటును సస్పెండ్‌ చేస్తున్నట్లు ప్రకటించారు. ఈ సస్పెన్షన్‌ మార్చి 24వ తేదీ వరకూ కొనసాగుతుందని తెలిపారు. ఈ నేపథ్యంలో మార్చి 9వ తేదీన కెనడా కొత్త ప్రధాని ఎన్నిక ఉంటుందని లిబరల్ పార్టీ ప్రకటన చేయడంతో మళ్లీ ట్రూడోనే అధికారం చేపట్టే అవకాశముందనే వార్త ఊపందుకుంది.
ట్రూడోపై ట్రంప్ ఒత్తిడి
2015లో ప్రధాని పీఠం ఎక్కిన ట్రూడోకు ఆయన తీసుకుంటున్న పలు నిర్ణయాలతో ఇటీవల సొంత పార్టీ ఎంపీల నుంచే వ్యతిరేకత ఎదురైంది. ఇక అమెరికా అధ్యక్షుడిగా ఎన్నికైన డొనాల్డ్ ట్రంప్ (Donald Trump).. కెనడాపై 25 శాతం సుంకాలు విధిస్తామని హెచ్చరించడం.. వలసలు, డ్రగ్స్ అక్రమరవాణాను నిరోధించలేకపోతే కెనడా 51వ రాష్ట్రంగా చేరాలంటూ స్ట్రాంగ్ వార్నింగ్ ఇవ్వడంతో ట్రూడో రాజీనామా చేయాలంటూ సొంత పార్టీ నేతలే డిమాండ్ చేశారు. ఈక్రమంలోనే ఆయన రాజీనామా చేయనున్నట్లు ప్రకటించారు.
Desk
swarna boddula
