admin
తెలంగాణ(Telangana)లో అకాల వర్షాలు(Rains) అతలాకుతలం చేశాయి. దీంతో రైతులు, సాధారణ ప్రజలు తీవ్ర ఇబ్బందులు పడ్డారు. ముఖ్యంగా హైదరాబాద్(Hyderabad) మహానగరాన్ని భారీ వర్షం ముంచెత్తింది. ఉరుములు, మెరుపులు, గాలి దుమారంతో కూడిన వర్షంతో నగర రోడ్లన్నీ చెరువులను తలపించాయి. భారీ వరదకు లోతట్టు ప్రాంతాలు నీట మునిగాయి. రోడ్లపై నీరు నిలవడంతో ట్రాఫిక్ జామ్ ఏర్పడింది. ఈ నేపథ్యంలో సీఎం రేవంత్(Cm Revanth) వర్షాలపై అన్ని శాఖల అధికారులతో సమీక్షించారు. ఎప్పటికప్పుడు పరిస్థితిని సమీక్షించాలని సీఎస్ శాంతికుమారి(CS Shanti kumari)ని ఆదేశించారు.
Blasting Spell in #Dhoolpet⚡️⚡️⚡️
Zero Visibility 😲🤯Stay Safe #Hyderabad #Hyderabadrains pic.twitter.com/5dDpfylNwV
— Hyderabad Rains (@Hyderabadrains) April 3, 2025
జిల్లాల కలెక్టర్లు, పోలీసులతో సమీక్ష
అలాగే లోతట్టు ప్రాంతాల్లో ప్రజలు ఇబ్బంది పడకుండా తగిన జాగ్రత్తలు తీసుకోవాలని సీఎం సూచించారు. రోడ్లపై నీటి నిల్వలు లేకుండా ట్రాఫిక్ సమస్య, విద్యుత్(Power Issue) అంత‌రాయాలు లేకుండా GHMC, పోలీస్, హైడ్రా, విభాగాలు సమన్వయంతో పని చేయాలని CM ఆదేశించారు. అటు పలు జిల్లాల్లో కూడా వర్షాలు, ఈదురుగాలులు, వడగండ్లు పడుతున్నందున జిల్లాల కలెక్టర్లు, పోలీసు అధికారులు, అన్ని శాఖల అధికారులను అప్రమత్తం చేయాలని సీఎం ఆదేశించారు.
జోనల్ కమిషనర్లతో మేయర్ టెలీకాన్ఫరెన్స్
అటు అకాల వర్షాలకు సంబంధించి అన్ని జోనల్ కమిషనర్లతో మేయర్ విజయలక్ష్మి(Mayor Vijayalakshmi) టెలీకాన్ఫరెన్స్ నిర్వహించారు. ప్రజల అసౌకర్యాన్ని తగ్గించడానికి అధిక అప్రమత్తంగా ఉండాలని సిబ్బందిని ఆదేశించారు. ప్రధాన నీటి ఎద్దడి ప్రాంతాలను తొలగించినట్లు తెలిపారు. ఏవైనా వర్ష సంబంధిత సమస్యలు లేదా GHMC-DRF సహాయం కోసం కంట్రోల్ రూమ్‌ నంబర్ 040-21111111ను ఏర్పాటు చేసినట్లు మేయర్ తెలిపారు. ప్రజలు ఎలాంటి వర్ష సమస్య ఉన్నా ఈ నంబర్‌లో సంప్రదించాలని సూచించారు.
“Just concluded a tele teleconference with all Zonal Commissioners regarding the unseasonable rains. I’ve instructed officials to be on high alert to minimize public inconvenience. Major waterlogging points have been cleared. We’re also prioritizing long-term solutions, advising… pic.twitter.com/MmjdmS54RW
— Vijayalaxmi Gadwal, GHMC MAYOR (@gadwalvijayainc) April 3, 2025
Desk
swarna boddula
