డొనాల్డ్ ట్రంప్‌ 2.O.. అమెరికా అధ్యక్ష ఎన్నికల్లో ఘనవిజయం

Mana Enadu : అమెరికా అధ్యక్ష ఎన్నికల ఫలితాలు (US Election Results 2024) వెల్లడయ్యాయి. ఈ ఫలితాల్లో రిపబ్లికన్‌ పార్టీ అభ్యర్థి, మాజీ అధ్యక్షుడు డొనాల్డ్‌ ట్రంప్‌ (Donald Trump) జయకేతనం ఎగురవేశారు. తాజాగా విస్కాన్సిన్‌లో గెలుపుతో మేజిక్‌ ఫిగర్‌ (270)ను దాటి 277 ఎలక్టోరల్‌ ఓట్లతో ఘన విజయం సాధించారు. మరో మూడు రాష్ట్రాల్లో ఆయన ఆధిపత్యం కొనసాగుతోంది. దాదాపు 30కు పైగా ఎలక్టోరల్‌ ఓట్లు దక్కే అవకాశం ఉంది.

స్వింగ్ రాష్ట్రాల్లో ట్రంప్ జోరు

అధికారం చేజిక్కించుకోవడానికి కీలకమైన స్వింగ్‌ రాష్ట్రాల్లోని (US Swing States) జార్జియా, నార్త్‌ కరోలినా, పెన్సిల్వేనియా, విస్కాన్సిన్‌ రాష్ట్రాలను సొంతం చేసుకున్న ట్రంప్.. మరో మూడు స్వింగ్‌ స్టేట్స్‌  నెవడా, మిషిగన్‌, ఆరిజోనాలో ఆధిక్యంలో నిలిచారు. ఇప్పటివరకు వెలువడిన ఫలితాల (2024 US Election Results) ప్రకారం.. ట్రంప్‌ (Donald Trump) 277 ఎలక్టోరల్‌ ఓట్లతో ఆధిక్యంలో కొనసాగుతున్నారు.

ట్రంప్‌ గెలిచిన రాష్ట్రాలు..

ఐడహో 4, ఇండియానా 11, కాన్సస్‌ 6, అలబామా 9, ఆర్కాన్సాస్‌ 6, ఫ్లోరిడా (Florida) 30, జార్జియా 16, అయోవా 6, కెంటకీ 8, లూసియానా 8, మైన్‌ 1, నార్త్‌ కరోలినా 16, నార్త్‌ డకోటా 3, నెబ్రాస్కా 4, ఒహాయో 17, ఓక్లహోమా 7, మిస్సోరి 10, మిసిసిపి 6, మోంటానా 4, సౌత్‌ కరోలినా 9, టెన్నెసీ 11, సౌత్‌ డకోటా 3, టెక్సాస్‌ 40, యుటా 6, వెస్ట్‌ వర్జీనియా 4,వయోమింగ్‌ 3, విస్కాన్సిన్‌ 10, పెన్సిల్వేనియా 19.

అమెరికా ఎన్నడూ చూడని విజయమిది

మేజిక్ ఫిగర్ దాటి విజయం సాధించిన సందర్భంగా ట్రంప్ (Trump Speech) తన మద్దతుదారులను ఉద్దేశించి మాట్లాడారు. ఈ ఎన్నికల్లో రిపబ్లికన్లు నిర్వహించిన ప్రచారం అతిపెద్ద రాజకీయ ఉద్యమం అని ఆయన అన్నారు అమెరికా గతంలో ఎన్నడూ చూడని విజయాన్ని దక్కించుకున్నామని హర్షం వ్యక్తం చేశారు. ఈ సందర్భంగా దేశ ప్రజలకు కృతజ్ఞతలు తెలియజేశారు. 

ట్రంప్ కు ప్రధాని మోదీ విషెస్

Heartiest congratulations my friend @realDonaldTrump on your historic election victory. As you build on the successes of your previous term, I look forward to renewing our collaboration to further strengthen the India-US Comprehensive Global and Strategic Partnership. Together,… pic.twitter.com/u5hKPeJ3SY

— Narendra Modi (@narendramodi) November 6, 2024

మరోవైపు ట్రంప్‌నకు ప్రధాని మోదీ (PM Modi) శుభాకాంక్షలు తెలియజేశారు. కంగ్రాట్స్ మై ఫ్రెండ్ అంటూ ఎక్స్ వేదికగా పోస్టు చేశారు. ‘‘చరిత్రాత్మక ఎన్నికల విజయం సాధించిన డొనాల్డ్‌ ట్రంప్‌ (Donald Trump Victory)నకు హృదయపూర్వక శుభాకాంక్షలు.’’ అని ఆ పోస్టులో రాసుకొచ్చారు. అలాగే గతంలో పలు వేదికల్లో ఇద్దరు కలిసి దిగిన చిత్రాలను షేర్ చేశారు.